Ap bwydo ceffylau

horseRATION

Yn dilyn llwyddiant ap ffarmio cyntaf Prifysgol Aberystwyth, farmGRAZE, yn gynharach eleni, mae ap arall bellach wedi'i lansio ar iTunes ac wedi'i anelu at y sector ceffylau.

horseRATION yw'r ap cyntaf i gael ei anelu'n benodol at faeth ceffylau ac mae’n caniatáu i'r defnyddiwr cyfrifo faint o fwyd mae ceffylau ei angen.

Gan gymryd i ystyriaeth pwysau, llwyth gwaith, cyflwr y corff, ymddygiad a statws iechyd y ceffyl, mae'r ap yn gallu arwain perchnogion tuag at y diet mwyaf addas ar gyfer eu ceffyl neu ferlen, a fydd yn osgoi problemau iechyd amrywiol gan gynnwys gordewdra.

Hwn yw'r ail ap i gael ei ddatblygu gan y Brifysgol eleni, mewn cydweithrediad â Arkuris Ltd a CEMAS (Morgannwg).

Mae'r ap yn cyfrifo’n gyflym faint o borthiant a phorthiant caled sy'n cael ei fwydo i'r ceffyl, a bydd hefyd yn helpu perchnogion arbed arian yn y tymor hir drwy wella iechyd anifeiliaid.

Eglurodd Dr Rhian Hayward o'r Tîm Trosglwyddo Technoleg, Gwasanaethau Masnacheiddio ac Ymgynghori yn y Brifysgol, "Mae horseRATION a farmGRAZE yn ffurfio rhan o’r fenter mobileFARM sydd wedi ei greu yn benodol i hyrwyddo apiau a ddatblygwyd o'r arbenigedd ym meysydd amaethyddiaeth, ceffylau gwyddoniaeth ac iechyd anifeiliaid.

"Canlyniad o Her Apiau a gynhaliwyd ar gyfer staff a myfyrwyr y llynedd i drawsnewid syniadau ymchwil i mewn i apiau symudol yw HorseRATION."

Y maethegydd ceffylau Catherine Hale, sydd yn y flwyddyn olaf o'i PhD yn Aberystwyth, enillodd yr Her Apiau gyda'i syniad ar gyfer horseRATION ac mae hi’n chwilio am ffyrdd newydd o wella defnydd egni mewn ceffylau.

Dywedodd, "Rwy'n gweld ceffylau yn ddyddiol sy'n dioddef o wahanol broblemau maeth a lle gallai lles y ceffyl gael ei wella yn hawdd drwy newid y diet. Mae horseRATION yn canfod yr holl wybodaeth sydd ei hangen i gyfrifo’r diet.

"Rydym wedi cynnwys awgrymiadau yn yr ap fel bod defnyddwyr yn gallu cael atebion i’w holl gwestiynau i ffurfio’r bwyd. Bydd yr ap cyfrifo pwysau ac yn darparu awgrymiadau gweledol i helpu’r perchennog i benderfynu ar gyflwr corff eu ceffylau. Gan fod hyn i gyd yn gallu cael ei wneud ar eich iPhone, mae'n hawdd iawn i wneud allan ar yr iard. "

Mae horseRATION, yn debyg i farmGRAZE, wedi cael ei ddatblygu gan ddefnyddio arbenigedd y Sefydliad y Gwyddorau Biolegol, Amgylcheddol a Gwledig (IBERS), a bydd yn helpu perchnogion ceffylau a merlod i reoli eu costau bwyd yn effeithiol ac osgoi biliau milfeddyg diangen. Hwn yw'r ap cyntaf i gael ei ddylunio'n arbennig fel dyfais porthiant bwydo ceffylau.

Mae dwy fersiwn o’r ap ar gael sef fersiwn am ddim a fersiwn a delir amdano. Bydd y fersiwn rhad ac am ddim yn helpu perchnogion gyfrifo swm y porthiant sydd ei angen ar geffyl, tra bod y fersiwn llawn yn cynnwys cyfrifiadau bwyd caled ynghyd a’r darlun cyflawn. Mae’r ddau fersiwn yn cynnig awgrymiadau ar sut i fwydo eich yn ogystal â gwybodaeth archwiliad iechyd.

Mae'r fersiwn a delir amdano (£ 4.99) yn mynd cam yn bellach ac yn caniatáu i'r defnyddiwr i gadw gwybodaeth am sawl ceffyl, arbed ac adalw'r swm bwyd, allforio’r wybodaeth i e-bost a gosod nodyn atgoffa yng nghalendr ffôn y person.

Gellir cael rhagor o wybodaeth ar y wefan: www.mobilefarmapps.com

Ers cael ei ryddhau ar y siop ap Google Play ym mis Gorffennaf 2012, mae’r ap farmGRAZE wedi cael ei lwytho dros 1,000 o weithiau gan ddefnyddwyr yn y DG ac yn fyd-eang, gan gynnwys yr Unol Daleithiau, Seland Newydd, Awstralia a De Korea yn ogystal â nifer o wledydd Ewropeaidd.

mobileFARM

Ym mis Mawrth 2011, enillodd Prifysgol Aberystwyth wobr Fast Forward gwerth £30,000 gan y Swyddfa Eiddo Deallusol (IPO) ar gyfer prosiect am 'defnydd effeithiol o hawlfraint a nodau masnach'.

Cafodd yr arian ei wobrwyo i annog dulliau arloesol o drosglwyddo gwybodaeth ymchwil y brifysgol i mewn i gynnyrch a gwasanaethau go iawn.

O fis Ebrill-Gorffennaf 2011, rhedodd y Brifysgol cystadleuaeth 'her apiau symudol 2011' ar gyfer staff a myfyrwyr i gofnodi eu syniadau yn seiliedig ar ymchwil a chyflawniadau fel cysyniadau ap symudol.

Roedd tri ymdrech buddugol. Daeth dau ohonynt o Sefydliad y Gwyddorau Biolegol, Amgylcheddol a Gwledig (IBERS), gyda'r llall o'r Adran Gyfrifiadureg.

Mae'r brand mobileFARM wedi cael ei sefydlu i farchnad dau ap a nodwyd yn wreiddiol fel enillwyr yr her apiau symudol (y ddwy o IBERS).

Mae mobileFARM yn anelu i gefnogi ffermwyr a pherchnogion anifeiliaid yn lleol ac yn fyd-eang i weithio'n effeithlon i arbed arian ac i ddarparu canllawiau ar gyfer yr arferion gorau. Mae’r ap yn cynnwys farmGRAZE a horseRATION.

SU39512

Rhannu