Strwythur Prifysgolion yng Nghymru yn y Dyfodol

Mae Prifysgol Aberystwyth yn croesawu cyhoeddi’r adroddiad Future Structure of Universities in Wales gan Gyngor Cyllido Addysg Uwch Cymru ac yn edrych ymlaen at gyfrannu at y broses ymgynghori a fydd yn deillio ohono. Rydym hefyd yn croesawu cyhoeddiad Addysg Uwch Cymru ar yr 2il o Orffennaf 2011.

Mae’r cynigion yn cynnwys cynlluniau i gryfhau ymhellach y berthynas rhwng Prifysgolion Aberystwyth, Bangor a Glyndŵr. Bydd rhain yn cael eu hystyried yn fanwl yn ystod yr wythnosau nesaf.

Mae Prifysgol Aberystwyth eisoes yn cydweithio’n llwyddiannus iawn gyda Phrifysgol Bangor, yr hyn a adwaenwyd yn wreiddiol fel Partneriaeth Ymchwil a Menter Aberystwyth / Bangor, ac rydym yn falch o weld bod hyn yn cael ei gydnabod gan Lywodraeth Cymru.

Mae Prifysgolion Aberystwyth a Bangor wedi dechrau eisoes ar broses o gryfhau’r bartneriaeth, tra’n dal gafael ar eu hunaniaeth unigol.

Mae Cyngor Prifysgol Aberystwyth wedi gosod uchelgais glir i’r Brifysgol – byddwn yn parhau i weithio mewn partneriaethau, yn arbennig gyda Bangor, a chyda sefydliadau eraill, HEFCW a Llywodraeth Cymru i lunio dyfodol llwyddiannus a chynaliadwy i Brifysgol Aberystwyth ac i Addysg Uwch yng Nghymru.