Gwybodaeth Modiwlau
Manylion y cyrsiau
Dulliau Asesu
| Math o Assessiad | Manylion / Hyd Assessiad | Cyfran |
|---|---|---|
| Arholiad Ailsefyll | 3 Awr Ysgrifenedig | 100% |
| Arholiad Semester | 3 Awr Ysgrifenedig | 70% |
| Asesiad Semester | Asesiad: 2 BRAWF | 30% |
Canlyniadau Dysgu
Wedi cwblhau'r modiwl dylai'r myfyrwyr fedru:
Mynegi systemau a pherthnasoedd ffisegol gan ddefnyddio iaith fathemategol fectorau, hafaliadau differol a theori Fourier.
Defnyddio fectorau, meysydd fector, algebra fector a systemau cyfesurynnau gwahanol i ddadansoddi problemau ffisegol mewn gofod 3-dimensiwn.
Enrhifo integrynnau llinell, arwyneb a gofod. Galw i gof a defnyddio theoremau Stokes, Green a dargyfeiriad yn cynnwys ffactorau graddfa.
Galw i gof a chymhwyso gwahanol ddulliau i ddatrys amrywiol fathau o hafaliadau differol.
Dosbarthu, dadansoddi a datrys hafaliadau differol trefn-dau mewn amryw o gyd-destunau ffisegol.
Disgrifio ac egluro cysyniadau dadansoddiad Fourier, ffaltwng a chydberthyniad a chymhwyso technegau dadansoddiad Fourier i broblemau mewn systemau ffisegol.
Disgrifiad cryno
Mae'r modiwl yn datblygu amrywiaeth o theoriau mathemategol: ddadansoddiad fector, hafaliadau differol a dadansoddiad Fourier. Cymhwysir y rhain i fodelu a datrys problemau mewn nifer eang o sefyllfaoedd ffisegol; electrostateg, magneteg, disgyrchedd, mecaneg, thermodynameg, ffiseg plasma, ffiseg atmosffer a mecaneg hylif.
Nod
Mae'r modiwl yn datblygu dulliau mathemategol i fodelu systemau ffisegol. Mae o bwysigrwydd sylfaenol i holl gynlluniau gradd anrhydedd Ffiseg ac yn addas ar gyfer nifer o gynlluniau gradd anrhydedd mewn Mathemateg.
Cynnwys
Dadansoddiad fector: lluoswm triphlyg sgalar a fector, gwerthoedd eigen a fectorau eigen, cyfesurynnau polar, meysydd sgalar a fector 3-D, graddiant, dargyfeiriad a chwrl meysydd 3-D, gweithredydd fector, integrynnau llinell, integrynnau arwyneb. Hafaliadau differol: hafaliadau differol cyffredin o unrhyw drefn, hafaliadau differol cydamserol, hafaliadau differol rhannol, problemau gwerth eigen. Dadansoddiad Fourier o signalau, paramedrau cyflenwol (e.e. amledd ac amser), trawsffurfiadau Fourier.
Sgiliau Modiwl
| Math o Sgiliau | Manylion Sgiliau |
|---|---|
| Addasrwydd a gwydnwch | Bydd myfyrwyr angen rheoli eu amser yn ystod y gweithdai wythnosol. |
| Cydlynu ag erail | Mae myfyrwyr yn cal eu hannog i weithio gyda’i gilydd mewn gweithdai. |
| Cyfathrebu proffesiynol | Mae’r myfyrwyr yn cael eu hannog i gyfathrebu a’u gilydd mewn ffordd broffesiynol yn y gweithdai. |
| Datrys Problemau Creadigol | Mae’r modiwl yma ymwneud a datrys problemau mathemategol. Mae’r taflenni gwaith yn cynnwys problemau mathemategol. |
| Gallu digidol | Mae myfyrwyr yn cael eu hannog i ddarllen am y pynciau ar-lein. |
| Meddwl beirniadol a dadansoddol | Mae’r myfyrwyr yn cael eu hyfforddi i ddadansoddi problemau mewn mathemateg a ffiseg. |
| Sgiliau Pwnc-benodol | Sgiliau ymchwilio: mae’r myfyrwyr yn cael eu hannog i ymchwilio o gwmpas y pwnc. Mae’r technegau mathemategol sydd yn cael eu dysgu yn dechnegau craidd i fathemateg a ffiseg. |
| Synnwyr byd go iawn | Mae’r problemau yn y gweithdai wedi cael eu ysbrydoli gan enghreifftiau byd go iawn. |
Nodau
Mae'r modiwl hwn yn cydymffurfio a FfCChC Lefel 5