Dr Emma Davies
Sywddog Datblygu Ymchwil
Manylion Cyswllt
- Ebost: esd5@aber.ac.uk
- ORCID: 0000-0003-1149-9233
- Swyddfa: 1.11, Adeilad Carwyn James
- Ffôn: +44 (0) 1970 628754
- Proffil Porth Ymchwil
Proffil
Dyddiad ymuno a swydd flaenorol
Ymunodd Emma ag YBA fel Swyddog Datblygu Ymchwil ar gyfer yr Adran Gwyddorau Bywyd ym mis Awst 2022. Cyn hynny, cwblhaodd Emma ei PhD mewn DLS, a oedd yn canolbwyntio ar ymchwil i fodelau amgen ar gyfer Clefyd Alzheimer, ac ymchwiliodd yn benodol i addasrwydd ymddygiadol a moleciwlaidd y ddafad, fel model anifail mawr. Mae Emma hefyd wedi gweithio fel Darlithydd Cysylltiol o fewn yr adran ac fel Cymrawd Cyfnewid Gwybodaeth gyda Cyswllt Ffermio.
Prif gyfrifoldebau yn y swydd flaenorol
Fel Darlithydd Cysylltiol, bu Emma yn addysgu myfyrwyr ar ystod o fodiwlau yn ymwneud ag ymddygiad anifeiliaid a swoleg, ac wrth weithio gyda Cyswllt Ffermio, ysgrifennodd Emma nifer o gyhoeddiadau technegol ar amrywiaeth o bynciau amaethyddol, gan gynnwys: effaith gwndwn llysieuol ar iechyd a pherfformiad ŵyn yn pori, dulliau o ganfod beichiogrwydd mewn gwartheg godro, cefnogi adar tir fferm a datblygu cadwyni cyflewni bwyd byr.
Addysg a phrofiad gwaith
Cwblhaodd Emma MSc mewn Gwyddor Ceffylau ym Mhrifysgol Aberystwyth, ac yna ar ôl cyfnod byr yn gweithio gyda'r Asiantaeth Iechyd Anifeiliaid a Phlanhigion, cwblhaodd PhD yn yr Adran Gwyddorau Bywyd.
Profiad a gwybodaeth
Mae gan Emma wybodaeth sylweddol am ymchwil ôl-raddedig, cyllid ymchwil a chyfathrebu ymchwil yn y gwyddorau biolegol. Roedd hyn yn canolbwyntio ar asesu addasrwydd defaid fel model anifail mawr arall o glefyd Alzheimer. Yn dilyn nifer o rolau tymor byr eraill yn yr Adran Gwyddorau Bywyd, symudodd Emma i'r rôl datblygu ymchwil bresennol gydag YBA.
Prif gyfrifoldebau o fewn YBA
Rôl Emma yw cefnogi cyflwyno ceisiadau grant ymchwil, a darparu cefnogaeth gyda chwilio am gyfleoedd cyllid grant, drafftio achosion o gefnogaeth, cyfrifo costau, llenwi ffurflenni cais a helpu staff i ddeall gweithdrefnau grantiau ymchwil mewnol ac allanol.
Rhan fwyaf pleserus o weithio ym Mhrifysgol Aberystwyth
Mae Emma yn mwynhau gweithio ochr yn ochr â holl ymchwilwyr yr Adran Gwyddorau Bywyd, ac yn arbennig mae'n mwynhau bod y cyntaf i glywed am yr holl brosiectau ymchwil anhygoel sydd ar y gweill yn y Brifysgol.