Llety ag Arlwyo

Lwfans Arlwyo

Fel preswyliwr gydag arlwyo ym Mhantycelyn, bydd swm o arian sy’n cyfateb i werth brecwast a swper 5 diwrnod yr wythnos yn eich llety yn cael ei roi’n awtomatig ar eich Cerdyn Aber. Bydd y lwfans prydau hwn yn cael ei dynnu o’ch Ffioedd Llety ac yn cael ei lwytho ar eich Cerdyn Aber yn awtomatig, mewn rhandaliadau bob tymor. Mae’r lwfans yn hyblyg, sy’n golygu y gallwch ei wario pryd bynnag a lle bynnag y mynnwch ar y campws, yn unrhyw rai o’n bwytai a’n caffis Gwasanethau Croeso. 

Nodwch y bydd unrhyw arian nad ydyw wedi cael ei wario yn cael ei golli ar ddiwedd contract llety.

Am ragor o wybodaeth am ein bwytai, ein bwydlenni a'r amseroedd agor ac ati, dilynwch y ddolen hon https://www.aber.ac.uk/cy/hospitality/

• Beth yw'r manteision i fi?

  Cynllun i dalu ymlaen llaw yw'r Cerdyn Aber sy'n cynnig gostyngiad o 10% pan fyddwch yn prynu bwyd a diod, ac fe gewch ymuno yn rhad ac am ddim. Cewch ddefnyddio'r cerdyn i brynu bwyd a diodydd. Bob tro y defnyddiwch y Cerdyn gallwch ofyn am dderbynneb yn dangos eich balans cyfredol, sy'n gallu eich helpu i gadw llygad ar eich sefyllfa ariannol.
• Sut mae rhoi arian ar y Cerdyn?

  Bydd eich ffi llety arlwyo yn cynnwys lwfans am brydau bwyd. Caiff y lwfans ei llwytho ar y Cerdyn mewn tair rhan – un ar ddechrau pob tymor.
• Pryd y gallaf i ddefnyddio'r Cerdyn?

  Cewch ddefnyddio'r cerdyn cyn gynted ag y byddwch yn ei gael. Gellir defnyddio’r cerdyn ymhob un o’n canolfannau arlwyo sydd ar agor o 8 y bore tan 7 yr hwyr.

• Beth sy’n digwydd i’m harian sy’n weddill ar ddiwedd y tymor?

  Os ydych wedi prynu rhagor o gredyd  trwy daliadau ychwanegol yn ystod y flwyddyn, bydd hwn yn aros ar eich cerdyn cyhyd ag y byddwch yn fyfyriwr, aelod o staff, neu aelod cyswllt o’r Brifysgol. 

• Beth sy'n digwydd ar ddiwedd y flwyddyn?

  Bydd y lwfans gwreiddiol yn dod i ben ar ddiwrnod olaf eich trwydded llety. Nid oes modd talu'r arian hwn yn ôl i chi, felly dylech geisio defnyddio eich credyd erbyn diwedd y tymor olaf.

• Beth sy'n digwydd os rhoddwyd taliadau ychwanegol ar y cerdyn?

  Os ydych wedi rhoi taliadau ychwanegol yn ystod y flwyddyn, bydd yr arian yn aros ar eich Cerdyn i chi ei ddefnyddio yn y flwyddyn academaidd nesaf, neu yn ystod yr haf, cyhyd â'ch bod yn ei ddefnyddio yn y chwe mis nesaf.
• Beth fydd yn digwydd os tynnaf yn ôl o'm llety arlwyo yn ystod y flwyddyn?

  Dylech gadw mewn cof bod y gwerth a roddir ar eich Cerdyn ar ddechrau'r tymor wedi ei gyfrif gyda'r disgwyliad y byddwch yn preswylio am y tymor cyfan. Os tynnwch yn ôl yn gynnar byddwn yn ailgyfrif y swm y mae gennych hawl iddo ar sail pro-rata yn ôl y nifer o ddyddiau preswylio y byddwch wedi talu amdanynt.

  Er enghraifft, os gadewch hanner ffordd drwy'r tymor, ac felly talu ffioedd llety am hanner tymor yn unig, bydd y credyd y byddwch gennych hawl iddo yn troi yn hanner y swm gwreiddiol. Os byddwch wedi gwario mwy na'r swm hwnnw, fe gewch anfoneb am y gwahaniaeth.

  Os tynnwch yn ôl yn gynnar, dylech siarad â rhywun yn Swyddfa'r Gyllid Croeso er mwyn cael gwybod faint fydd eich lwfans newydd ac felly faint sydd ar ôl gennych i'w wario. Peidiwch â cheisio defnyddio'r holl gredyd sydd ar y cerdyn achos mai chi fydd yn gyfrifol am dalu'r gweddill a wariwyd ar ben eich lwfans! Cysylltwch â’r tîm preswyl yn nerbynfa Penbryn i gael cymorth pellach. 

• Beth sy'n digwydd os bydd rhywun arall yn defnyddio'r cerdyn?

  Mae'ch Cerdyn yn werthfawr a'ch cyfrifoldeb chi yw gofalu amdano. Os bydd eich cerdyn yn cael ei golli neu ei ddwyn, cysylltwch ag aelod o staff y Gwasanaethau Croeso yn syth ac fe fyddant yn atal y cerdyn. Gallwch gael cerdyn newydd am y pris safonol gan y Llyfrgell. Gallwn roi cerdyn dros dro i fyfyrwyr wrth iddynt aros am eu cerdyn newydd gan y Llyfrgell.