Amcanion Cynaladwyedd 2025

Mae'r Gwasanaethau Croeso yn falch o fod yn rhan o ymrwymiad hirdymor Prifysgol Aberystwyth i sicrhau bod ei holl weithrediadau yn gynaliadwy. Cyflwynwn y Cynllun Gweithredu Cynaliadwyedd hwn fel dogfen waith. Fel gyda phob cynllun o’r fath, dim ond drwy gyfranogiad ein staff, ein cwsmeriaid a’n cyflenwyr y bydd yn bosib ei gyflawni.

Rydym yn croesawu pob ymateb i'r cynllun hwn wrth i ni ymdrechu i wneud yn well o ran arferion cynaliadwy a bod yn garbon-niwtral.

Olew Palmwydd

Amcan cyffredinol: Yn y pen draw rydym ni’n dymuno tynnu pob cynnyrch sy’n cynnwys olew palmwydd anghynaladwy o’r Gwasanaethau Croeso. Rydym yn bwriadu gwneud hyn drwy ymgysylltu â’r cyflenwyr yn ogystal â darparu gwybodaeth i gwsmeriaid ynghylch pa gynhyrchion sy’n cynnwys olew palmwydd. Rydym ni’n cefnogi cynhyrchu olew palmwydd achrededig cynaliadwy (RSPO) mewn modd cynaliadwy sy’n helpu i atal datgoedwigo; cynorthwyo tâl teg i gymunedau a gweithwyr; yn ogystal â diogelu bywyd gwyllt a’r amgylchedd.

Camau cyflawni:

Gweithredu	Ble i'w roi ar waith	Amcan y camau gweithredu	Dyddiad targed ar gyfer lansio
Rhoi’r system labelu ganlynol ar y cynhyrchion sy'n cynnwys olew palmwydd: Gwyrdd (dim); Melyn (olew palmwydd, ond yn RSPO); Coch (heb ei achredu)	Pob safle	Ein nod yw rhoi'r wybodaeth berthnasol i gwsmeriaid fel y gallant hwy benderfynu prynu'r cynnyrch hwnnw ai peidio.	ar waith / parhaus
Neilltuo adnoddau er mwyn cael gwybod am yr olew palmwydd a ddefnyddiwyd yn y cynhyrchion a brynir, trwy gyfrwng y llwyfan prynu a thrwy drafod â’r cyflenwyr	Tîm gweinyddol Penbryn	Sicrhau bod gwybodaeth am y cynnyrch yn cael ei chasglu a'i gwirio. Cysylltu â’r cyflenwyr i roi gwybod am gynhyrchion nad ydynt yn cydymffurfio ac sydd felly'n debygol o gael eu tynnu o’n rhestr.	parhaus
Adolygiad o'r holl gynhyrchion sy'n cynnwys olew palmwydd nad yw’n RSPO, gyda dewisiadau amgen os oes modd.	Tîm gweinyddol Penbryn	Darparu gwybodaeth am y cynnyrch a fydd yn cael ei ddisodli gan ddewisiadau amgen	ar waith / parhaus
Adolygu’r polisi Olew Palmwydd	Pob safle	Sicrhau bod y polisi'n gweithio ac adolygiadau pellach	Awst 2025

https://rspo.org/why-sustainable-palm-oil/?gclid=Cj0KCQiA8t2eBhDeARIsAAVEga3pVSVu_S_PnMwkwaA0wwkK7gCN7xOypNNi3pShLmi1VWQ6w2w6t-QaAubjEALw_wcB

Lleihau Gwastraff Bwyd

Amcan cyffredinol: Lleihau’r maint o fwyd sy’n cael ei brynu ond nad yw’n cael ei fwyta er mwyn lleihau ein hôl-troed carbon ac i wella arferion cynaliadwy cwsmeriaid a staff. Gwneir hyn drwy leihau gwastraff ar blatiau (bwyd a brynir yn ein safleoedd ond heb ei fwyta), lleihau’r maint o fwyd sy’n mynd yn rhy hen i’w fwyta, yn ogystal â lleihau gwastraff wrth gynhyrchu bwyd. Bydd unrhyw wastraff yn cael ei roi mewn biniau ailgylchu bwyd ym mhob safle.

Camau cyflawni.

Gweithredu	Ble i'w roi ar waith	Amcan y camau gweithredu	Dyddiad targed ar gyfer lansio
Parhau â’r gostyngiad pris i unrhyw fwyd sy’n nesáu at y dyddiad gwerthu, gyda sticeri “pan fydd wedi mynd, mae wedi mynd”	Pob safle	Gwerthu bwyd na fydd yn para’n hir am bris y gost neu’n is er mwyn sicrhau ei fod yn cael ei fwyta yn hytrach na'i daflu i ffwrdd	Parhaus
Llunio bwydlenni a fydd yn hwyluso cynigion arbennig byrdymor am fwyd a baratowyd yn y ceginau, megis prif saig am £4.00	Neuadd Fwyd, Blas Gogerddan	Er mwyn i ni allu gwerthu bwyd os gwnaed gormod ohono, yn gyflym am bris y gost i fyfyrwyr.	Parhaus
Mesur faint o wastraff bwyd a daflwyd yn ôl y maint sydd yn y biniau bwyd drwy gynnal gwiriad bob wythnos cyn iddo gael ei gasglu.	Neuadd Fwyd, Undeb y Myfyrwyr	Monitro ein gwastraff bwyd a, thrwy hynny, helpu i fonitro llwyddiant y camau uchod	parhaus - adolygiad Awst 2025
Rheoli faint o fwyd poeth a wneir i'w weini wrth y cownteri poeth tua diwedd amseroedd gwasanaeth, o 15 munud cyn cau’r cownter. Felly, os bydd pryd bwyd penodol wedi’i werthu i gyd, ni ddylid paratoi mwy ohono.	Neuadd Fwyd, Blas Gogerddan	Lleihau’r maint o fwyd sydd wedi’i goginio ac na ellir ei ailddefnyddio ac sydd felly’n gorfod cael ei daflu.	Parhaus

https://www.lovefoodhatewaste.com/take-action-save-food/our-planet-your-food?gclid=Cj0KCQiA8t2eBhDeARIsAAVEga1lzCPC5arUHVzL9YEROuFHeu8M5hruklw7x67EyIEBegRTtGpBBPcaAjsWEALw_wcB

Lleihau defnydd o eitemau tafladwy ar y campws

Amcan cyffredinol: - Yn ein diwylliant 'bachu bwyd a mynd' bydd bob amser galw am rywfaint o gynnyrch untro. Serch hynny, byddwn yn gyntaf yn ceisio sicrhau bod yr holl ddeunydd untro a ddefnyddir naill ai'n ailgylchadwy neu'n fioddiraddadwy. Yna byddwn yn ceisio lleihau’r maint o ddeunydd untro a ddefnyddir, ac annog arferion sy'n cefnogi hynny. Byddwn hefyd yn ceisio sicrhau bod mwy o ddeunydd yn cael ei ailgylchu lle bo hynny'n bosib.

Camau cyflawni.

Gweithredu	Ble i'w roi ar waith	Amcan y camau gweithredu	Dyddiad targed ar gyfer lansio
Cynyddu’r ffi ar gwpanau untro i 40c, gan werthu cwpanau cadw am bris y gost	Pob safle	Er mwyn lleihau'r maint o gwpanau untro a ddefnyddir ar y campws, sef yr eitem anoddaf i'w hailgylchu.	parhaus - adolygiad Awst 25
Gweini’r holl fwyd a diod a ddarperir yn fewnol ar lestri tsieini a gwydr y gellir eu hailddefnyddio	Neuadd Fwyd, Pantycelyn, CAFFIbach	Er mwyn sicrhau mai dim ond ar gyfer bwyd a diod i’w cymryd allan y defnyddir deunydd untro	ar waith / parhaus
Hybu Diwrnod Di-blastig ar draws y campws	Pob safle	Annog mwy o drafod ar ddefnyddio llai o blastig untro.	Hydref 2025
Monitro maint y ffrydiau gwastraff tirlenwi ac ailgylchu, a chadw cofnod ohonynt. Yn ogystal ag adolygu’r gwastraff i gyd, yn unol â’r rheoliadau newydd	Pob safle	Er mwyn i ni allu monitro’r gostyngiad mewn sbwriel tirlenwi	Awst 2025
Cyflwyno sgôr negyddol am becynnu plastig wrth ymdrin â thendrau cyflenwyr ar gyfer y Gwasanaethau Croeso	Prynu canolog	Annog deunyddiau y gellir eu hailgylchu ar gyfer pecynnu ac wrth anfon nwyddau.	Parhaus
Prynu cwpanau amldro i’w defnyddio mewn cynadleddau yn lle’r cwpanau untro a ddefnyddir ar hyn o bryd, a rhoi trefn ar waith ar gyfer eu dosbarthu a’u casglu	Y tîm cynadledda	Atal defnyddio unrhyw gwpanau untro wrth gynnal cynadleddau.	Uchelgais
Gweini poteli dŵr ail-lenwi yn unig yn Ystafelloedd Medrus	Y tîm cynadledda	Lleihau'r plastig a ddefnyddir yn ddiangen	Parhaus

https://wrapcymru.org.uk/

Y Daith at Garbon Sero Net

Amcan cyffredinol: - Mae Aberystwyth wedi ymrwymo i gyrraedd targed sero net erbyn y flwyddyn 2030-31. Bydd y gwasanaethau Croeso yn ymrwymo i fonitro ac adolygu eu harferion i leihau ein hallyriadau o fewn cwmpasau 1, 2 a 3 o'n gweithrediadau.

Cwmpas 1 yw’r ffynonellau allyriadau uniongyrchol sy'n deillio o’r peiriannau, y cyfleusterau a’r cerbydau sy'n eiddo i'r cwmni. Cwmpas 2 yw’r ffynonellau allyriadau anuniongyrchol sy'n gysylltiedig â chynhyrchu trydan, gwres, stêm a / neu wrth oeri. Cwmpas 3 yw’r allyriadau anuniongyrchol sy'n deillio o'r holl weithgareddau a ffynonellau eraill nad ydynt wedi'u cynnwys yng Nghwmpas 2; gan gynnwys teithio busnes, cymudo, gwastraff a dosbarthu gan drydydd partïon.

Camau cyflawni.

Gweithredu	Ble i'w roi ar waith	Amcan y camau gweithredu	Dyddiad targed ar gyfer lansio
Hoffem roi arwyddion carbon ar fwydlenni i helpu i lywio ymddygiad y cwsmeriaid	Pob safle	Er mwyn galluogi ein cwsmeriaid i wneud penderfyniadau am brynu ar sail gwybodaeth gadarn.	Uchelgais
Ei gwneud yn ofynnol i’r holl gyflenwyr ymrwymo i gyrraedd sefyllfa garbon sero yn eu gweithrediadau trwy'r broses dendro	Prynu canolog	Helpu i leihau'r carbon o gwmpas 3	Parhaus
Gwirio bod seliau’r oergelloedd yn iawn, er mwyn lleihau'r ynni a ddefnyddir a gwella effeithlonrwydd	Pob safle	Lleihau'r ynni a ddefnyddir	Gorffennaf 2025 a phob blwyddyn
Defnyddio cerbydau trydanol yn unig fel adran	Gwasanaethau Croeso	2 fan trydan newydd wedi'u prynu	Parhaus
Tynnwch yr holl offer nwy sydd wedi cyrraedd diwedd eu hoes	Pob safle	Lleihau’r carbon a gynhyrchir yn ystod y gwaith paratoi bwyd	Parhaus
Adolygu’r offer cegin a sut y’u defnyddir, drwy fonitro eu perfformiad ynni Arwain adolygiad ar y dulliau cynhyrchu a chylchred oes yr offer	Pob safle	Lleihau'r ynni a ddefnyddir	Parhaus
Galluogi darllen faint o ynni a ddefnyddir ym mhob safle arlwyo yn unigol	Pob safle	Ei gwneud hi’n bosib i staff fonitro faint o ynni a ddefnyddir a sicrhau arbedion	Parhaus

https://www.gov.wales/net-zero-wales

Arferion a phwrcasu moesegol

Amcan cyffredinol: - Mae'r Gwasanaethau Croeso yn mesur eu perfformiad drwy ddull y sylfaen driphlyg, sef pobl, elw a'r blaned. Anelwn at sicrhau ein bod yn dilyn y canllawiau prynu moesegol trwy geisio sicrhau ein bod yn dilyn 17 Nod Datblygu Cynaliadwy'r Cenhedloedd Unedig.

Trwy ofyn i’n cyflenwyr arddel ymddygiad moesegol a chynaliadwy, gobeithiwn y gallwn annog a dathlu ymddygiad sydd er budd pob un ohonom.

Camau cyflawni.

Gweithredu	Ble i'w roi ar waith	Amcan y camau gweithredu	Dyddiad targed ar gyfer lansio
Ei gwneud yn ofynnol i bob cyflenwr ymrwymo i dalu'r cyflog byw	Prynu canolog	Hybu cyflog teg i'r holl weithwyr ac isgontractwyr	Parhaus
Sicrhau bod pob cwmni sy'n cyflenwi’r Gwasanaethau Croeso wedi ymrwymo i gydymffurfio â 17 Nod Cynaliadwy'r Cenhedloedd Unedig	Prynu canolog	Hyrwyddo arferion da ymhlith ein cyflenwyr	Parhaus
Gosod polisi prynu lle y prynir yn lleol, yng Nghymru ac wedyn ym Mhrydain, lle bo modd gwneud hynny o fewn gweithdrefnau ariannol y Brifysgol	Prynu canolog	Er mwyn inni allu prynu cynnyrch mor lleol â phosib	Parhaus
Gofynnwch i'n prif gyflenwyr ddarparu meini prawf mesur blynyddol ar gyfer eu harferion cynaliadwy er mwyn sicrhau gwelliant parhaus	Prynu canolog	Annog gwelliant parhaus ymhlith ein cyflenwyr o ran gwneud cynnydd tuag at gynaliadwyedd a sefyllfa sero-net	Parhaus
Sicrhau bod yr holl gyflenwyr wedi ymrwymo i gydymffurfio â Deddf Caethwasiaeth Fodern 2015 fel amod o gael masnachu â'r Gwasanaethau Croeso	Prynu canolog	Drwy gyfrwng holiadur blynyddol i bob cyflenwr er mwyn sicrhau cydymffurfiaeth	Parhaus
Gweithio tuag at fabwysiadu 'Bwydlenni dros Newid' wrth brynu ein bwyd i gyd, ac wrth ei baratoi a’i weini	Pob safle	I'w ddefnyddio yn ganllaw ar gyfer paratoi ein bwyd ar gyfer pob un o'n mannau i'n helpu i wella ein cynaliadwyedd	Parhaus

https://www.tuco.ac.uk/procurement/sustainability/menus-of-change

Adolygiad ar Gynaliadwyedd 2023

Yn rhan o'n hamcanion Cynaliadwyedd ar gyfer 2023, gwnaethom lunio cynllun gweithredu i’r holl feysydd ac amcanion yr oeddem am eu cyflawni yn 2023. Dyma gipolwg ar yr hyn yr ydym wedi'i gyflawni yn ystod y flwyddyn, yn ogystal â thynnu sylw at feysydd a thargedau nad oeddem wedi gallu eu cwblhau.

Trefnwyd ein Cynllun Gweithredu yn ôl y meysydd penodol y canolbwyntiwyd arnynt, ac rydym wedi dilyn y drefn honno yn yr adroddiad hwn, er hwylustod. Bydd yr adolygiad hwn wedyn yn rhan o'n gwaith i bennu ein hamcanion ar gyfer 2024.

Olew palmwydd

Rydym wedi cyflwyno system ‘goleuadau traffig’ ar gyfer yr holl gynnyrch pecyn ar y campws gydag arwyddion priodol.
Lle mae unrhyw gynhyrchion sy’n cynnwys olew palmwydd nad yw’n RSPO, rydym wedi ceisio dod o hyd i ddewisiadau amgen, ac mae hyn yn parhau.
Adolygwyd y polisi gan ychwanegu diweddariadau ar gyfer 2024

Lleihau gwastraff bwyd

Drwy barhau â’r cynigion 'Pan fo wedi mynd, mae wedi mynd', arbedwyd 9406 eitem o fwyd rhag cael eu taflu i ffwrdd, trwy ostwng pris stoc sy’n nesáu at y dyddiad bwyta.
Mae cynnig prydau rhatach a disgowntio prif brydau wedi golygu llai o wastraff bwyd trwy ddefnyddio bwyd mewn prydau a baratowyd drwy ddefnyddio meintiau bach.
Mae monitro’r gwastraff bwyd wedi dangos bod 17% yn llai o wastraff bwyd yn y flwyddyn.

Lleihau Eitemau Untro a Ddefnyddir ar y Campws

Cyflwynwyd y ffi 25c ar gwpanau, yn ogystal â gwerthu cwpanau cadw, a’u rhoi, i fyfyrwyr a staff er mwyn hyrwyddo defnyddio cwpanau amldro.
Mae niferoedd calonogol o staff wedi defnyddio cwpanau cadw, ond y niferoedd yn llai calonogol ymhlith y myfyrwyr.
Mae’r holl fwyd mewnol erbyn hyn yn cael ei weini ar lestri tsieni yn y safleoedd lle mae cyfleusterau golchi llestri i’w cael, sef yn y Neuadd Fwyd, Caffi bach a Blas Gogerddan.
Does dim pecynnau bach o saws i’w defnyddio ar y campws erbyn hyn.
Llwyddwyd i gael llai o becynnu plastig trwy gynnwys hyn yn rhan o'r broses dendro i gyflenwyr.
Lansiwyd diwrnod di-blastig yn y safleoedd fis Ebrill, fe’i cynhelir ar raddfa fwy yn 2024

Sero Net

Fe’i gwnaethom hi’n ofynnol i’r holl gyflenwyr ymrwymo i Sero Net trwy'r broses dendro er mwyn ein cynorthwyo â’n hallyriannau ‘cwmpas 3’.
Roedd yr holl offer newydd a brynwyd yn offer Gradd A o ran defnyddio ynni.
Nid oeddem yn gallu cyfrifo’r sefyllfa o ran carbon yn ein bwydlenni ond mae hyn yn dal i fod yn darged ar gyfer 2024
Byddwn yn anelu at adolygu'r holl offer i leihau’r ynni a ddefnyddiwn, yn unol â’r cyfalaf sydd ar gael.

Arferion a phrynu moesegol

Penodwyd cyflenwr coffi lleol o Gymru yn 2023
Mabwysiadwyd ‘Bwydlenni dros Newis’ yn ogystal ag ymaelodi â'r Gymdeithas Bwytai Cynaliadwy er mwyn gallu cynnal archwiliad cynaliadwyedd blynyddol i'r adran er mwyn ei gyflwyno i’r archwiliad ‘pobl a'r blaned’.