Llety Haf

Gyda dros 2,000 o ystafelloedd ar gael ledled ein hystad breswyl yn ystod yr haf, mae ein llety yn ddiguro yng Ngorllewin Cymru.

Rydym yn cynnig llety sy’n addas ar gyfer pob cyllideb, o ystafelloedd gwely sylfaenol i’n datblygiad newydd sbon, Fferm Penglais.

Ceir Wi-Fi am ddim ledled y campws.

Mae llety safonol ar gael trwy gydol y flwyddyn. Am fwy o wybodaeth cysylltwch â ni trwy anfon neges e-bost i conferences@aber.ac.uk neu ffoniwch 01970 621960.

Gwybodaeth i ymwelwyr

Mae ein holl lety i westeion wedi'i leoli ar neu'n union wrth ymyl Campws Penglais, Aberystwyth, chwarter awr o gerdded o ganol y dref, gorsaf reilffordd a chyfleusterau pellach.

I weld pa ystafelloedd sydd ar gael, neu i archebu llety , ewch i'n tudalen archebu, Archebwch Nawr. Os oes unrhyw anawster neu os ydych am archebu mwy nag 8 ystafell am fwy na 4 wythnos, cysylltwch â ni ar conferences@aber.ac.uk neu 01970 621960 am ddyfynbris.

Gallwch gyrraedd o 3yh ymlaen.

Mae'r rhan fwyaf o'n llety ar gael i aros o leiaf ddwy noson ynddynt.

Rhaid bod allan o’ch ystafell erbyn 10yb yn y Byncws neu 9yb ym mhob llety arall.

Mae eich archeb yn cynnwys:

Darperir dillad gwely a llieiniau
WIFI cyflym anghyfyngedig am ddim
Offer cegin
Parcio am ddim ar y campws

Rydym yn gweithredu polisi dim ysmygu o fewn 10 metr i holl adeiladau'r Brifysgol. Mae biniau sigaréts dynodedig ar gael.

Llety Ensuite Premiwm - Fferm Penglais

Wedi'i ysbrydoli gan dirwedd a phensaernïaeth Cymru wledig, mae ein datblygiad newydd yn cynnig ystafelloedd en suite hael, gwelyau dwbl, cegin cynllun agored, a lolfeydd. Gyda holl gysuron corfforol y dydd, megis teledu sgrin fflat, peiriant golchi llestri a Wi-Fi, rydym yn gwybod y cewch chi brofiad 5*. Yn wir, Fferm Penglais yw’r llety Prifysgol cyntaf i gael 5* gan Croeso Cymru o fewn y categori Llety Campws.

Noder bod pob fflat yn cynnwys 6 neu 8 ystafell wely gyda chyfleusterau cegin a rennir ac mae'r holl ystafelloedd gwely yn rhai ensuite.

Mae gan ein stiwdios ensuite eu cyfleusterau cegin eu hunain.

Rosser – Llety Ensuite Safonol

Mae Rosser wedi'i leoli ym mhen uchaf prif Gampws Penglais yn agos at holl gyfleusterau’r Campws. Mae gan lawer o'r ystafelloedd olygfeydd braf o’r dref a'r bae, sydd ryw gwta bymtheg munud o dro i ffwrdd ar droed. Mae'r fflatiau’n cynnwys 8 ystafell wely gyda chyfleusterau cegin a rennir. Mae'r holl geginau'n cynnwys ardaloedd eistedd meddal, bariau brecwast gyda stôl ac offer sy'n cynnwys tegell, microdon a hob. Mae'r ystafelloedd ymolchi ensuite yn cynnwys cawod, toiled, sinc basn ymolchi gyda drych a rheilen dywelion gynnes

Cwrt Mawr - Llety Safonol

Mae Cwrt Mawr wedi'i leoli ym mhen uchaf prif Gampws Penglais yn agos at holl gyfleusterau’r Campws. Mae gan lawer o'r ystafelloedd olygfeydd braf o’r dref a'r bae, sydd ryw gwta bymtheg munud o dro i ffwrdd ar droed. Mae'r fflatiau yn cynnwys hyd at 10 ystafell wely gyda chyfleusterau cegin a rennir sy'n cynnwys tegell, microdon a hob a chyfleusterau cawod a rennir.

Pantycelyn

Mae'r llety hwn ar gael ar gyfer Digwyddiadau Academaidd ac Archebion gan Ysgolion yn unig.

Mae wedi’i leoli bum munud ar droed o gampws Penglais a’r dref. Mae Pantycelyn, neuadd breswyl enwocaf Cymru, yn cynnig llety en-suite newydd sbon (Cawod, toiled, basn ymolchi gyda drych) ar gyfer hyd at 198 o westeion. Mae’r cyfleusterau cegin a rennir (8 ystafell wely i un cegin) yn cynnwys microdon, tostiwr, boiler dŵr a hob.