Digwyddiadau a Chyfleusterau Chwaraeon

 

Ydych chi am gynnal digwyddiad chwaraeon? 

Dros nifer o flynyddoedd, mae Chwaraeon Prifysgol Aberystwyth wedi dod yn gyrchfan diogel a dibynadwy i sefydliadau enwog megis Cymdeithas Bêl-droed Cymru, y Scarlets, Gleision Caerdydd, a Thref Amwythig, sy'n dibynnu ar ein cyfleusterau arbennig i gynnal eu rhaglenni hyfforddi. Mae'r clybiau uchel eu parch hyn wedi cydnabod gwerth partneru gyda ni i gynnal eu gwersylloedd haf er mwyn sicrhau bod eu timau'n barod ar gyfer y tymor sydd i ddod. 

Caeau Chwarae Blaendolau

Yn enwog am gynnal twrnamaint pêl-droed blynyddol Ian Rush, gŵyl rygbi 7 bob ochr a phêl-droed 7 bob ochr.  

Yn Llanbadarn 1.4 milltir i ffwrdd o’r prif gampws (SY23 3TL). Llefydd parcio ar gael ar gyfer bysiau a cheir. Llefydd parcio ychwanegol ar gael. Mannau ar gael ar gyfer darpariaeth arlwyo symudol.

Mae gennym 38 erw o gaeau glaswellt o'r radd flaenaf ar gyfer chwaraeon awyr agored. 

  • 6 Cae Pêl-droed maint Iau 
  • 8 Cae Pêl-droed maint llawn  
  • 3 Chae Rygbi  
  • 1 Cae Pêl-droed Americanaidd  
  • Cyfleusterau newid 

Caeau’r Ficerdy

1 milltir i ffwrdd o’r prif gampws (SY23 1HB). Llefydd parcio ar gael ar gyfer bysiau a cheir. 

  • Cae Pêl-droed maint llawn – yn cynnwys eisteddle bach a llochesi 
  • Cae Rygbi maint llawn  
  • Wiced Criced - Glaswellt yn ystod y tymor a wiced artiffisial.  
  • Rhwydi criced  
  • Cae Lacrós  
  • Cyfleusterau newid 

Digwyddiadau Chwaraeon blaenorol a gynhaliwyd ym Mhrifysgol Aberystwyth: 

  • Twrnamaint Pêl-droed Ian Rush  
  • Rygbi 7 bob ochr Undeb y Myfyrwyr   
  • Pencampwriaeth Genedlaethol yr Urdd – Pêl-droed, Rygbi, Traws Gwlad  
  • CWFA - Twrnameintiau bechgyn a merched 
  • Gwersylloedd Academi Tref Amwythig / Cyrsiau Sylfaen (o dan 10-16) 
  • Pêl-droed 7 bob ochr  
  • Cymdeithas Bêl-droed Cymru - Bathodynnau Hyfforddi  
  • Undeb Rygbi Cymru - Cyrsiau hyfforddwyr 
  • Gwersylloedd Hyfforddi Preswyl Proffesiynol (gwersylloedd 3-5 diwrnod) - Clwb Rygbi’r Scarlets, Clwb Rygbi’r Dreigiau 
  • Canolbarth Cymru - Clwb Seiclo Ystwyth - digwyddiadau Seiclo-Croes  

 

Mae Aberystwyth yn falch o gyfrannu at ddatblygiad darpar athletwyr a thimau sefydledig, gan greu awyrgylch sy'n annog cynnydd, gwaith tîm a rhagoriaeth mewn llawer o ddigwyddiadau chwaraeon. Mae ein cyfleusterau nid yn unig yn cynnig amgylcheddau hyfforddi awyr agored o'r radd flaenaf, ond rydym hefyd yn cynnig cyfleusterau Cryfder a Chyflyru dan do, ymadfer yn y pwll, trac rhedeg, cae pob tywydd a neuaddau chwaraeon amlbwrpas dan do. Cliciwch ar y ddolen Ein Cyfleusterau : Canolfan Chwaraeon , Prifysgol Aberystwyth , anfonwch e-bost at sports@aber.ac.uk neu cysylltwch â Darren Hathaway Pennaeth Chwaraeon a Thiroedd (dnh@aber.ac.uk) 

Llety ac Arlwyo 

I ychwanegu llety ac arlwyo i'ch digwyddiad. Cysylltwch â conferences@aber.ac.uk neu  01970621960, neu fel arall ewch i Llety  : Cynadleddau a Digwyddiadau , Prifysgol Aberystwyth