Graddio 2024

Cynhelir graddio Prifysgol Aberystwyth 2024 rhwng 16-18 Gorffennaf

15 Gorffennaf 2024

Bydd seremonïau graddio 2024 yn dechrau ym Mhrifysgol Aberystwyth yfory, dydd Mawrth 16 Gorffennaf.

Cynhelir saith seremoni dros dridiau o ddydd Mawrth 16 tan ddydd Iau 18 Gorffennaf yn y Neuadd Fawr yng Nghanolfan y Celfyddydau, Aberystwyth.

Bydd y Brifysgol hefyd yn cyflwyno saith Cymrodoriaeth er Anrhydedd i unigolion eithriadol sydd wedi rhagori ym meysydd chwaraeon, gwyddoniaeth, y celfyddydau, busnes a'r trydydd sector.

Eleni, bydd Cymrodoriaethau er Anrhydedd yn cael eu cyflwyno i arwres pêl-droed Cymru Jess Fishlock; Prif Weithredwr Race Council Cymru yr Athro Uzo Iwobi; yr awdur arobryn Manon Steffan Ros; y microbiolegydd o fri rhyngwladol yr Athro Syr Stewart Cole; cyd-sylfaenwyr The Do Lectures a’r Hiut Denim Company Clare a David Hieatt; a Phrif Swyddog Gweithredol a Sylfaenydd This Works, Dr Anna Persaud.

Dywedodd yr Athro Jon Timmis, Is-Ganghellor y Brifysgol:

"Bydd yn bleser croesawu ein myfyrwyr sy'n graddio yn ôl i Aberystwyth yr wythnos hon, a dathlu eu llwyddiant yng nghwmni eu teuluoedd, ffrindiau a chefnogwyr. Bydd carfan myfyrwyr eleni yn rhannu'r llwyfan â saith unigolyn hynod sydd wedi rhagori yn eu meysydd, ac y byddwn yn cyflwyno Cymrodoriaethau er Anrhydedd iddynt.

"Yn ogystal â bod yn garreg filltir gofiadwy ym mywydau ein graddedigion, y graddio yw uchafbwynt blynyddol calendr y Brifysgol, ac rwy'n edrych ymlaen yn fawr at fy seremonïau cyntaf fel Is-Ganghellor Prifysgol Aberystwyth."

Bydd yr holl seremonïau yn cael eu ffrydio'n fyw ar-lein yn
https://www.aber.ac.uk/cy/graduation/video/stream/

Trefn y seremonïau:

Seremoni 1: 10.30yb, dydd Mawrth 16 Gorffennaf