Gwybodaeth Modiwlau
Cod y Modiwl
GW12520
Teitl y Modiwl
Globaleiddio a Datblygiad Byd-eang
Blwyddyn Academaidd
2025/2026
Cyd-gysylltydd y Modiwl
Semester
Semester 2
Rhestr Ddarllen
Manylion y cyrsiau
Dulliau Asesu
| Math o Assessiad | Manylion / Hyd Assessiad | Cyfran |
|---|---|---|
| Arholiad Ailsefyll | 8.5 Awr Arholiad a welir o flaen llaw 8.5 Awr | 60% |
| Arholiad Semester | 8.5 Awr Arholiad a welir o flaen llaw 8.5 Awr | 60% |
| Asesiad Ailsefyll | Traethawd 1200 o eiriau | 40% |
| Asesiad Semester | Traethawd 1200 o eiriau | 40% |
Canlyniadau Dysgu
Wedi cwblhau'r modiwl dylai'r myfyrwyr fedru:
Dangos gwybodaeth am gysyniadau, themâu a chwestiynau pwysig sy’n berthnasol wrth astudio gwleidyddiaeth ryngwladol.
Dangos gallu i ddefnyddio cysyniadau allweddol a’u mireinio a/neu eu trafod yn feirniadol.
Dangos gallu erbyn diwedd y modiwl i gyflwyno darlun eang o ddisgyblaeth cysylltiadau rhyngwladol a’i datblygiad yn y dyfodol.
Dangos gallu i ysgrifennu traethawd wedi’i gyfeirnodi’n briodol.
Dangos gallu i ymateb yn dda i ofynion yr arholiad.
Disgrifiad cryno
Mae’r modiwl hwn yn adeiladu ar y deunydd a gyflwynwyd yn ystod Cyflwyniad i Wleidyddiaeth Ryngwladol 1yn ystod y semester cyntaf. Yr amcan yw dyfnhau dealltwriaeth y myfyrwyr o gysyniadau a themâu allweddol sy’n berthnasol i’r astudiaeth o wleidyddiaeth ryngwladol, gan roi pwyslais penodol ar gwestiynu a herio rhai o’r dehongliadau mwy traddodiadol a phrif-ffrwd a drafodwyd yn ystod y modiwl cyntaf. Rhoddir pwyslais ar ddehongliadau anorllewinol o wleidyddiaeth ryngwladol a’r heriau i ddatblygiad byd-eang.
Cynnwys
Caiff y modiwl ei gyflwyno trwy gyfrwng cyfuniad o ddarlithoedd a seminarau. Bydd y pynciau allweddol a drafodir yn ystod y modiwl yn cynnwys:
- Globaleiddio a neo-ryddfrydiaeth
- Anghydraddoldeb
- Grym
- Hil
- Crefydd
- Newid hinsawdd
- Cenedlaetholdeb
- Iechyd rhyngwladol
- Terfysgaeth rhyngwladol
- Ymlediad niwclear
- Grymoedd newydd
- Globaleiddio a neo-ryddfrydiaeth
- Anghydraddoldeb
- Grym
- Hil
- Crefydd
- Newid hinsawdd
- Cenedlaetholdeb
- Iechyd rhyngwladol
- Terfysgaeth rhyngwladol
- Ymlediad niwclear
- Grymoedd newydd
Sgiliau Modiwl
| Math o Sgiliau | Manylion Sgiliau |
|---|---|
| Cyfathrebu | Bydd y myfyrwyr yn dysgu sut i gyflwyno’u syniadau ar lafar ac yn ysgrifenedig, a sut i gyflwyno’u dadleuon yn y ffordd fwyaf effeithiol. Byddant yn deall pwysigrwydd gwybodaeth a chyfathrebu clir a sut i ddefnyddio’r rhain. Byddant yn gwybod sut i ddefnyddio’r amryw ffynonellau gwybodaeth sydd ar gael a sut i ddefnyddio dulliau cyfathrebu priodol yn y ffordd orau. Byddant yn dysgu sut i ysgrifennu a siarad yn glir a dweud yn ddiamwys beth yw eu nodau a’u hamcanion. Byddant yn dysgu ystyried dim ond yr hyn sy’n berthnasol i bwnc trafod, byrdwn ac amcanion eu dadl neu drafodaeth. Cynhelir y seminarau mewn grwpiau lle dysgir yn bennaf drwy drafod ar lafar a chyflwyniadau, a bydd y pwyslais drwy gydol y modiwl ar gyfranogi a chyfathrebu. Hwylusir hyn drwy chwarae rôl mewn grwpiau lle bydd timau’n cymryd rhan yn y seminar a thu hwnt i hynny. |
| Datblygu personol a chynllunio gyrfa | Bydd y trafodaethau’n arbennig yn helpu i ddatblygu sgiliau llafar a sgiliau cyflwyno’r myfyrwyr ynghyd â’u sgiliau gwaith tîm. Bydd dysgu am broses cynllunio traethawd ac adroddiad, pennu ffiniau prosiectau, mireinio a datblygu prosiectau a chwblhau’r gwaith yn cyfrannu at bortffolio’r myfyrwyr o sgiliau trosglwyddadwy. Yn benodol, mae ysgrifennu adroddiadau’n sgil trosglwyddadwy hanfodol sy’n cyfrannu at eu proffil cyflogadwyedd. |
| Datrys Problemau | Bydd gwaith prosiect annibynnol a datrys problemau’n un o nodau canolog y modiwl; bydd y myfyrwyr yn cyflwyno traethawd, a thrwy hynny’n datblygu sgiliau ymchwil annibynnol yn ogystal â sgiliau datrys problemau. Drwy wneud gwaith ymchwil a pharatoi ar gyfer cyflwyniadau seminar bydd y myfyrwyr hefyd yn datblygu sgiliau prosiect annibynnol. Caiff gallu’r myfyrwyr i ddatrys problemau ei ddatblygu a’i asesu drwy ofyn iddynt: fabwysiadu safbwyntiau gwahanol; trefnu data a bwrw amcan ynglŷn ag ateb i’r broblem; ystyried achosion eithriadol; rhesymu; llunio modelau damcaniaethol; ystyried achosion tebyg; chwilio am batrymau; rhannu materion yn broblemau llai. |
| Gwaith Tim | Yn rhan o’r seminarau, bydd y myfyrwyr yn gwneud gwaith mewn grwpiau bach a gweithgareddau chwarae rôl lle bydd gofyn iddynt baratoi, cyflwyno a thrafod fel grŵp y materion craidd sy’n ymwneud â phwnc trafod y seminar dan sylw. Mae’r trafodaethau dosbarth hyn yn rhan hanfodol o brofiad dysgu’r modiwl. |
| Gwella dysgu a pherfformiad ei hun | Mae’r modiwl yn ceisio hybu hunanreolaeth ond mewn cyd-destun lle mae cefnogaeth a chymorth ar gael gan y cydlynydd a chyd-fyfyrwyr fel ei gilydd. Disgwylir i’r myfyrwyr wella’u dysgu a’u perfformiad eu hunain drwy wneud eu gwaith ymchwil eu hunain a gweithio ar eu liwt eu hunain, gan gynnwys chwilio am ffynonellau, llunio rhestrau darllen, a phenderfynu (dan gyfarwyddyd) ar gyfeiriad pynciau eu hadroddiadau a’u traethodau. Mae gwaith grŵp yn rhan annatod o’r seminarau ac yn gyfle i’r myfyrwyr i adfyfyrio ar eu pen eu hunain a chyda’i gilydd ar eu perfformiad. Bydd yr angen i gyfrannu i drafodaethau grŵp yn y seminarau a chwblhau asesiadau erbyn y dyddiad cau yn hoelio sylw’r myfyrwyr ar yr angen i reoli eu hamser a’u hadnoddau’n dda. |
| Rhifedd | Amherthnasol |
| Sgiliau pwnc penodol | Mae cyfle i’r myfyrwyr i ddatblygu, ymarfer a phrofi amryw helaeth o sgiliau pwnc-benodol sydd o gymorth iddynt i ddeall, cysyniadoli a chloriannu enghreifftiau a syniadau yn ystod y modiwl. Ymhlith y sgiliau pwnc-benodol hyn mae: • Casglu a deall ystod eang o ddata sy’n gysylltiedig â’r modiwl • Gallu i bwyso a mesur safbwyntiau cyferbyniol • Dangos technegau ymchwil pwnc-benodol Cymhwyso amryw o fethodolegau i broblemau hanesyddol a gwleidyddol cymhleth. |
| Sgiliau ymchwil | Bydd yn rhaid i’r myfyrwyr wneud gwaith ymchwil annibynnol er mwyn cwblhau’r gwaith a asesir. Bydd hyn yn golygu defnyddio amryw o ffynonellau gwybodaeth, gan gynnwys testunau academaidd craidd, erthyglau mewn cyfnodolion ac ati. |
| Technoleg Gwybodaeth | Disgwylir i’r myfyrwyr gyflwyno’u gwaith wedi’i baratoi ar brosesydd geiriau. Hefyd, anogir y myfyrwyr i chwilio am ffynonellau gwybodaeth ar y we, yn ogystal â chwilio am wybodaeth o ffynonellau electronig (megis Lexus-Nexus, Primo, Google Scholar ac ati). Disgwylir hefyd i’r myfyrwyr ddefnyddio’r adnoddau a fydd ar gael ar AberLearn Blackboard |
Nodau
Mae'r modiwl hwn yn cydymffurfio a FfCChC Lefel 4