Gwybodaeth Modiwlau
Manylion y cyrsiau
Dulliau Asesu
| Math o Assessiad | Manylion / Hyd Assessiad | Cyfran |
|---|---|---|
| Arholiad Ailsefyll | 2 Awr Arholiad heb ei weld o flaen llaw gydag adran atebion byr a thraethawd | 75% |
| Arholiad Semester | 2 Awr Arholiad heb ei weld o flaen llaw gydag adran atebion byr a thraethawd | 75% |
| Asesiad Ailsefyll | Adroddiad ffliwm hydrolig Adroddiad ffliwm hydrolig | 25% |
| Asesiad Semester | Adroddiad ffliwm hydrolig Adroddiad ffliwm hydrolig | 25% |
Canlyniadau Dysgu
Wedi cwblhau'r modiwl dylai'r myfyrwyr fedru:
Disgrifio ac esbonio prosesau erydiad, cludiant a dyddodi sydd yn gweithredu ar lethrau ac mewn sianel afon.
Disgrifio ac esbonio sut y mae newidiadau mewn llif a chyflymder yn effeithio gweithrediad prosesau afonol a sut y maent yn effeithio geometreg y sianel a phatrymau sianeli afon.
Trafod y datrysiadau rheolaeth a ellid eu cymhwyso er mwyn datrys problemau sefydlogrwydd llethr a phroblemau erydiad/dyddodiad mewn sianeli afon.
Disgrifiad cryno
Amcan y modiwl yw i ddarparu gwerthusiad manwl o'r prosesau sydd yn gweithredu o fewn y basn afon cyfoes. Yn gyntaf, ystyrir system y llethr, lle mae prosesau mas symudiad a phrosesau creu sianeli yn bwysig. Mae gweddill y cwrs yn canolbwyntio ar brosesau sydd yn weithredol o fewn system y sianel. Ymhob darlith, cefnogir theori sianel gan enghreifftiau o astudiaethau achos, gan roi sylw penodol i oblygiadau prosesau geomorffolegol naturiol ar reolaeth afon.
Cynnwys
- Egwyddorion geomorffoleg, cyfundrefnau gweithgarwch, trothwyon.
- Methiant / erydiad ar lethrau
- Prosesau pen-y-nant a datblygiad rhwydweithiau.
- Prosesau'r sianel: dw^r a gwaddod.
- Geometreg hydrolig.
- Erydiad glan a gwely.
- Patrymau sianel a chyfraddau newid.
- Rheoli sianeli. Trwy gydol y modiwl, ehangir y thema^u a gyflwynwyd yn ystod modiwl Amgylcheddau Wyneb y Ddaear / Earth Surface Processes: cydberthynas proses a thirffurf, ymateb prosesau, cydbwysedd a throthwyon. Bydd pwyslais arbennig yn cael ei roi ar y cydgysylltedd rhwng y systemau amrywiol o brosesau sydd yn gweithredu o fewn y basn afon.
Sgiliau Modiwl
| Math o Sgiliau | Manylion Sgiliau |
|---|---|
| Cyfathrebu | Sgiliau ysgrifennu traethawd wrth baratoi ar gyfer yr arholiad ac wrth sefyll yr arholiad. |
| Datblygu personol a chynllunio gyrfa | Datblygu sgiliau ymchwil, ysgrifennu traethodau a chanolbwyntio ar strategaethau rheoli pwysig a ddefnyddir yn y maes rheoli amgylcheddol. |
| Datrys Problemau | Bydd disgwyl i fyfyrwyr ddeall tarddiad prosesau ffisegol allweddol a gwerthuso strategaethau a ddefnyddir i fonitro a rheoli rhannau allweddol o'r system afonol |
| Gwaith Tim | Dim |
| Gwella dysgu a pherfformiad ei hun | Darllen annibynnol yn seiliedig ar restr ddarllen |
| Rhifedd | Bydd pwyslais ar ddeall ffurfiau'r basn mewn modd meintiol ac ar ddatrys a dadansoddi problemau rhifyddol yn yr arholiad. |
| Sgiliau pwnc penodol | Dim |
| Sgiliau ymchwil | Darllen annibynnol a pharatoi ar gyfer yr arholiad. |
| Technoleg Gwybodaeth | Bydd mynediad at adnoddau helaeth y llyfrgell a'r we yn hanfodol ar gyfer datblygu dealltwriaeth y myfyrwyr. |
Nodau
Mae'r modiwl hwn yn cydymffurfio a FfCChC Lefel 5