Gwybodaeth Modiwlau
Manylion y cyrsiau
Dulliau Asesu
| Math o Assessiad | Manylion / Hyd Assessiad | Cyfran |
|---|---|---|
| Asesiad Ailsefyll | Traethawd 1 (teitl newydd) | 40% |
| Asesiad Ailsefyll | Traethawd 2 (teitl newydd) | 60% |
| Asesiad Semester | Traethawd 1 | 40% |
| Asesiad Semester | Traethawd 2 | 60% |
Canlyniadau Dysgu
Wedi cwblhau'r modiwl dylai'r myfyrwyr fedru:
1. Datblygu dealltwriaeth o gyd-destun hanesyddol a diwydiannol sinema prif ffrwd America drwy astudio ffilmiau Hollywood
2. Arddangos dealltwriaeth o arferion cynhyrchu - o derminoleg dechnegol i benderfyniadau estheteg, a'r dewisiadau sydd ar gael i gyfarwyddwyr - trwy astudio arddull ffilmiau Hollywood.
3. Ddechrau datblygu ymwybyddiaeth o brif themâu a gogwyddau beirniadol sy'n bodoli o fewn disgyrsiau a gysylltir â ffilmiau Hollywood.
4. Dadansoddi amrediad o ffilmiau a ddangosir mewn modd addas ar gyfer lefel eu hastudiaeth.
Disgrifiad cryno
Ystyrir y blynyddoedd rhwng 1915-1960 fel 'Oes Aur' y sinema, sef y cyfnod lle sefydlwyd holl godau a chonfensiynau naratifol y cyfrwng. Dadleua nifer bod pwysigrwydd y cyfnod yn parhau hyd heddiw, â phob cyfarwyddwr yn ymateb i'r confensiynau hynny, naill a'i trwy eu cofleidio a'u hail adrodd, neu trwy eu gwrthod a'u gwyrdroi. Sinema Hollywood Glasurol yw'r disgwrs dominyddol felly ym myd y sinema, y canol llonydd sy'n ysgogi ymatebion gwahanol ac sy'n rymus hyd heddiw. Mae'r modiwl yn cyflwyno terminoleg sylfaenol y maes wrth ddehongli damcaniaethau ffilm amrywiol. Yn ogystal a rhoi sylw i'r cyfnod clasurol, edrychir ar dadeni Hollywood yn ystod yr 1970au, datblygiad y blockbuster a chynhyrchu diweddar. Fe fydd y modiwl yn archwilio nodweddion thematig, strwythurol ac esthetaidd wrth rhoi sylw manwl i rôl y cyfarwyddwyr, y stiwdios, dylanwadau gwleidyddol a diwylliannol.
Nod
Nod y modiwl yw rhoi cyfle i fyfyrwyr archwilio ffilmiau a diwylliant Hollywood o'r cyfnod clasurol hyd at heddiw. At hynny, cyflwynir myfyrwyr i gorff o waith damcaniaethol sy'n archwilio cyfraniad ffilm i ddiwylliant gyfoes.
Cynnwys
1. Y System Stiwdio
2. Arddull Hollywood Glasurol
3. System Sêr
4. Tanseilio'r System Stiwdio
5. Hollywood Ôl-Glasurol
6. Blockbusters
7. Dadeni Hollywood
8. Merchandise
9. Ffilmiau Annibynnol
10. Hollywood heddiw
Sgiliau Modiwl
| Math o Sgiliau | Manylion Sgiliau |
|---|---|
| Cyfathrebu | Cyfrannu at drafodaethau seminar, ysgrifennu ar gyfer gwaith a asesir, darllen. |
| Datblygu personol a chynllunio gyrfa | Datblygu ymwybyddiaeth o ddiddordeb a medrau personol, ac ychwanegu ar sgiliau sylfaenol. |
| Datrys Problemau | Adnabod problemau wrth drafod pynciau, bod yn ymwybodol o gymhlethdodau wrth geisio ffurfio atebion. |
| Gwaith Tim | Fe fydd disgwyl i fyfyrwyr weithio mewn grwpiau bychan yn y seminarau, ac i ddeall deinamig trafodaeth. |
| Gwella dysgu a pherfformiad ei hun | Er na asesir y medr yma yn ffurfiol, fe fydd cyfle i fyfyrwyr drafod eu prosesau dysgu gyda'u cyd fyfyrwyr a'r tiwtor. Rhoddir adborth manwl i draethodau ar y ffurflenni asesu. |
| Rhifedd | |
| Sgiliau pwnc penodol | |
| Sgiliau ymchwil | Disgwylir i fyfyrwyr ddarllen ac ymchwilio i ystod eang o ffynonellau (llyfrau, cyfnodolion, y we) ar gyfer seminarau ac asesiadau. |
| Technoleg Gwybodaeth | Er nad yw'n cael ei asesu yn ffurfiol, disgwylir i fyfyrwyr ddefnyddio'r We i ymchwilio, medru defnyddio pecynnau gair brosesu, ac i fod yn gyfarwydd a system e-bost y Brifysgol. |
Nodau
Mae'r modiwl hwn yn cydymffurfio a FfCChC Lefel 6