Gwybodaeth Modiwlau
Manylion y cyrsiau
Dulliau Asesu
O ganlyniad i Covid-19 dylai myfyrwyr gyfeirio at y tudalennau modiwlau BwrddDu ar gyfer manylion yr asesiadau
| Math o Assessiad | Manylion / Hyd Assessiad | Cyfran |
|---|---|---|
| Arholiad Ailsefyll | 1.5 Awr Arholiad 1.5 Awr | 40% |
| Arholiad Semester | 1.5 Awr Arholiad 1.5 Awr | 40% |
| Asesiad Ailsefyll | Adroddiadau beirniadol 2 x 250 gair | 10% |
| Asesiad Ailsefyll | Traethawd 2500 o eiriau | 50% |
| Asesiad Semester | Cyfranogiad Seminar | 10% |
| Asesiad Semester | Traethawd 2500 o eiriau | 50% |
Canlyniadau Dysgu
Wedi cwblhau'r modiwl dylai'r myfyrwyr fedru:
1. Trafod yn feirniadol a dadansoddi amrywiaeth eang o bynciau sy’n berthnasol i brofiadau menywod yn y byd Anorllewinol;
2. Dangos dealltwriaeth a thrafod dynameg gymhleth pŵer sy’n gysylltiedig â dulliau croestoriadol;
3. Nodi a thrafod yn feirniadol y ffyrdd amrywiol y mae menywod Anorllewinol yn cyfranogi yn yr economi;
4. Asesu’n feirniadol y ffyrdd penodol y mae menywod Anorllewinol yn ymgysylltu â gwleidyddiaeth;
5. Asesu’n feirniadol effaith normau diwylliannol ar statws menywod Anorllewinol;
6. Dadansoddi’n feirniadol profiadau menywod Anorllewinol o ryfel a heddwch;
7. Nodi a thrafod yn feirniadol y ffyrdd y mae rhywioldeb menywod yn siapio eu gosodiad yn y gymdeithas a’r rhwystrau a’r cyfleoedd maent yn dod ar eu traws;
8. Tynnu casgliadau annibynnol a beirniadol am y ffordd mae bywydau menywod yn cael eu ffurfio gan rymoedd globaleiddio.
Disgrifiad cryno
Mae’r modiwl hwn yn edrych ar brofiadau menywod mewn perthynas â gwleidyddiaeth, economeg, cymdeithas a diwylliant yn y byd y tu hwnt i’r ‘Gorllewin’. O ganlyniad mae’n cymryd agwedd croestoriadol sy’n edrych ar y modd mae dynameg rhywedd, tlodi, hil a dynameg arall o ran gwahaniaethu’n gweithio gyda’i gilydd i ffurfio bywydau menywod y tu allan i’r byd Ewrosentrig.
Cynnwys
Mae’r modiwl yn dechrau gydag adran ddamcaniaethol sy’n edrych ar ffeministiaeth a chroestorri ac yn symud ymlaen i edrych ar nifer o themâu, gan ddefnyddio astudiaethau achos i angori dadansoddiad mewn realitioedd sy’n cael eu byw. Bydd y themâu perthnasol yn cynnwys gwleidyddiaeth, datblygu diwylliant, rhywioldeb, heddwch/rhyfel a globaleiddio.
Sgiliau Modiwl
| Math o Sgiliau | Manylion Sgiliau |
|---|---|
| Cyfathrebu | Bydd myfyrwyr yn dysgu sut i gyflwyno eu syniadau ar lafar ac yn ysgrifenedig, a sut i gyflwyno eu dadleuon yn fwyaf effeithiol. Byddant yn datblygu sgiliau i ddefnyddio’r ffynonellau niferus o wybodaeth sydd ar gael yn y ffordd orau. Byddant yn dysgu bod yn glir wrth ysgrifennu a siarad a byddant yn uniongyrchol am eu nodau ac amcanion. Byddant yn dysgu ystyried dim ond yr hyn sy’n berthnasol i destun, ffocws ac amcanion eu dadl neu drafodaeth. |
| Datblygu personol a chynllunio gyrfa | Cynllunnir y modiwl hwn i fireinio a phrofi sgiliau fydd o fudd i fyfyrwyr yn eu bywydau gwaith, yn benodol drwy siarad gyda grwpiau bach, gwrando, meddwl ac ymateb i ddatganiadau pobl eraill. Ymhellach, bydd y gwaith ysgrifenedig yn gofyn bod myfyrwyr yn ysgrifennu’n glir ac yn gryno, sy’n dasg gyffredin yn y gweithle. Caiff myfyrwyr eu hannog drwy gydol y modiwl i adfyfyrio ar eu perfformiad ac ystyried gwersi i’w defnyddio yn y dyfodol. |
| Datrys Problemau | Gwaith prosiect annibynnol a datrys problemau fydd un nod canolog yn y modiwl; bydd cyflwyno traethawd yn golygu bod myfyrwyr yn datblygu sgiliau ymchwil annibynnol yn ogystal â sgiliau datrys problemau. Bydd yr angen i ymchwilio a pharatoi at seminarau hefyd yn helpu myfyrwyr i ddatblygu sgiliau prosiect annibynnol. Bydd gallu myfyrwyr i ddatrys problemau’n cael ei ddatblygu a’i asesu drwy ofyn iddynt: fabwysiadu gwahanol safbwyntiau; trefnu data ac amcangyfrif ateb i’r broblem; ystyried achosi |
| Gwaith Tim | Bydd myfyrwyr yn ymgymryd ag ymarferion tîm yn y seminarau. I lawer o bynciau’r modiwl hwn, bydd y seminarau ar ffurf trafodaethau mewn grwpiau bach gyda myfyrwyr yn trafod fel grŵp y materion craidd sy’n ymwneud â phwnc y seminar. Bydd y trafodaethau a’r dadleuon dosbarth hyn yn rhan sylweddol o’r modiwl, a byddant yn caniatáu i’r myfyrwyr drin ac archwilio pwnc penodol drwy waith tîm. |
| Gwella dysgu a pherfformiad ei hun | Nod y modiwl yw hyrwyddo hunan-reoli ond o fewn cyd-destun lle mae cefnogaeth a chymorth ar gael gan gynullydd y modiwl a myfyrwyr eraill. Bydd disgwyl i fyfyrwyr wella eu dysgu a’u perfformiad eu hunain drwy ymgymryd â’u hymchwil eu hunain ac ymarfer eu menter eu hunain, gan gynnwys chwilio am ffynonellau a phenderfynu sut i ateb cwestiynau traethawd a asesir. |
| Rhifedd | Ddim yn berthnasol. |
| Sgiliau pwnc penodol | Caiff myfyrwyr y cyfle i ddatblygu, ymarfer a phrofi amrywiaeth eang o sgiliau penodol i’r pwnc sy’n eu helpu i ddeall, cysyniadu a gwerthuso enghreifftiau a syniadau ar y modiwl. Mae’r sgiliau pwnc benodol hyn yn cynnwys: • Casglu a deall amrywiaeth eang o ddata’n ymwneud â’r modiwl • Gwerthuso safbwyntiau sy’n cystadlu a’i gilydd • Cymhwyso amrywiaeth o fethodolegau i broblemau gwleidyddol a chymdeithasol hanesyddol a chyfoes cymhleth. |
| Sgiliau ymchwil | Bydd gofyn i fyfyrwyr ymgymryd ag ymchwil annibynnol er mwyn cwblhau’r gwaith a asesir. Bydd hyn yn cynnwys defnyddio amrywiaeth o ffynonellau gwybodeth, gan gynnwys testunau academaidd craidd, erthyglau cyfnodolion, cyhoeddiadau electronig, gwefannau a ffynonellau newyddion ar-lein. |
| Technoleg Gwybodaeth | Bydd myfyrwyr yn cyfoethogi eu gallu i ddefnyddio Blackboard, lle bydd deunyddiau i gynorthwyo’r dysgu ar gael. Bydd myfyrwyr hefyd yn datblygu sgiliau i chwilio am, ac asesu dilysrwydd ffynonellau gwybodaeth ar-lein fel rhan o’r gwaith paratoi at ddarlithoedd, seminarau a thasgau a asesir. Caiff gwaith a asesir ei gyflwyno mewn fformat electronig, yn ôl disgwyliadau safonol. |
Nodau
Mae'r modiwl hwn yn cydymffurfio a FfCChC Lefel 6