Gwybodaeth Modiwlau
Manylion y cyrsiau
Dulliau Asesu
O ganlyniad i Covid-19 dylai myfyrwyr gyfeirio at y tudalennau modiwlau BwrddDu ar gyfer manylion yr asesiadau
| Math o Assessiad | Manylion / Hyd Assessiad | Cyfran |
|---|---|---|
| Asesiad Ailsefyll | Portffolio Portffolio (sy'n cynnwys is-unedau asesedig a sesiynau a aseswyd). Rhaid ailwneud yr elfennau a fethwyd. 15000 o eiriau | 100% |
| Asesiad Semester | Portffolio Portffolio (sy'n cynnwys is-unedau asesedig a sesiynau a aseswyd) 15000 o eiriau | 100% |
Canlyniadau Dysgu
Wedi cwblhau'r modiwl dylai'r myfyrwyr fedru:
1. Integreiddio safbwyntiau damcaniaethol wrth gyflwyno ymarfer proffesiynol, gan gynnwys sgiliau arwain.
2. Bodloni a dangos tystiolaeth o'r safonau galwedigaethol cenedlaethol ar gyfer ymarferwyr blynyddoedd cynnar (mae'r SGC ar gyfer yr Amcanion Dysgu yma yn fwy datblygedig na'r rhai a aseswyd ym mlwyddyn 2 gan ganolbwyntio ar rinweddau arwain).
3. Ystyried a gwerthuso goblygiadau canfyddiadau ymchwil ar gyfer datblygu yn bersonol ac o fewn y proffesiwn yn y dyfodol.
Disgrifiad cryno
Bydd y modiwl yn annog myfyrwyr i gymryd perchnogaeth o'u datblygiad personol, proffesiynol ac academaidd a defnyddio hyn i wella eu hymarfer. Bydd yn ofynnol i fyfyrwyr gadw portffolio o dystiolaeth i ddangos eu gallu i fodloni'r safonau galwedigaethol cenedlaethol ar gyfer ymarferwyr blynyddoedd cynnar. Bydd myfyrio beirniadol mewn perthynas ag arfer cyfredol a rolau proffesiynol yn rhan annatod o'r portffolio. Anogir gwerthuso canfyddiadau ymchwil cyfredol ac archwilio'r posibiliadau a'r goblygiadau ar gyfer datblygu yn bersonol ac o fewn y proffesiwn yn y dyfodol. Bydd myfyrwyr yn cael goruchwyliwr prifysgol a mentor lleoliad.
Cynnwys
1. Cysyniadau allweddol mewn dysgu seiliedig ar waith (darlith 2 awr)
2. Safonau Galwedigaethol Cenedlaethol a datblygiad proffesiynol (darlith 2 awr)
3. Gweithio gyda'ch mentor (2 awr)
4. Strwythuro'r portffolio (2 awr)
Yn ogystal, bydd gan bob myfyriwr oruchwyliwr dynodedig a mentor lleoliad a fydd yn monitro cynnydd y myfyriwr. Bydd disgwyl i'r myfyriwr e-bostio diweddariad bob pythefnos o gynnydd i'r goruchwyliwr. Bydd y goruchwyliwr yn cynnal dau ymweliad asesedig o'r lleoliad.
Drwy gydol blwyddyn 1 a semester 1 blwyddyn 2, cynhelir gweithdai gorfodol gyda myfyrwyr i roi manylion am drefnu lleoliadau, ymddygiad proffesiynol a phortffolios asesu.
Sgiliau Modiwl
| Math o Sgiliau | Manylion Sgiliau |
|---|---|
| Bydd y gallu i fyfyrio ar eich cynnydd eich hun a nodi a gweithredu ar eich anghenion datblygu eich hun yn hanfodol drwy gydol y modiwl hwn. | |
| Bydd angen i fyfyrwyr ddefnyddio sgiliau ymchwil er mwyn archwilio'r arferion y maent yn eu cynnwys yn y portffolio. | |
| Tra byddant allan ar leoliad, bydd yn ofynnol i fyfyrwyr weithio gydag eraill a myfyrio ar hyn yn eu portffolio. | |
| Bydd angen i fyfyrwyr ddangos y sgiliau sydd eu hangen i weithio mewn ymarfer proffesiynol. | |
| Bydd angen i fyfyrwyr ddefnyddio TGCh briodol drwy gydol eu portffolio, yn enwedig yn achos dadansoddi data os oes angen gwneud hynny. Efallai y bydd angen i fyfyrwyr weithio gyda neu gyflwyno data lle bo hynny'n briodol. | |
| Bydd y gallu i gyfathrebu'n glir, ar lafar ac yn ysgrifenedig, yn elfen hanfodol o'r portffolio. Bydd angen i fyfyrwyr ddatblygu dadl resymegol a chlir a dangos dawn ar gyfer defnyddio gwybodaeth yn effeithiol mewn ffordd uniongyrchol a phriodol. | |
| Bydd angen i fyfyrwyr fyfyrio'n barhaus ar eu hymarfer eu hunain ac ystyried eu datblygiad personol. | |
| Bydd angen i fyfyrwyr ddangos effeithlonrwydd wrth drefnu symiau mawr o wybodaeth gymhleth a'r gallu i nodi, disgrifio a dadansoddi nodweddion allweddol y wybodaeth. |
Nodau
Mae'r modiwl hwn yn cydymffurfio a FfCChC Lefel 6