Gwybodaeth Modiwlau
Manylion y cyrsiau
Dulliau Asesu
O ganlyniad i Covid-19 dylai myfyrwyr gyfeirio at y tudalennau modiwlau BwrddDu ar gyfer manylion yr asesiadau
| Math o Assessiad | Manylion / Hyd Assessiad | Cyfran |
|---|---|---|
| Arholiad Semester | 2 Awr Arholiad semester (Arholiad Ysgrifenedig) | 80% |
| Asesiad Semester | Gwaith cwrs | 20% |
| Arholiad Ailsefyll | 2 Awr Arholiad ail-eistedd (Arholiad Ysgrifenedig) | 100% |
Canlyniadau Dysgu
Wedi cwblhau'r modiwl dylai'r myfyrwyr fedru:
disgrifio'r syniad o gydamrywiant;
mesur cymedrau ac amrywiannau cyfuniadau llinellol o hapnewidion;
adnabod ffwythiannau tebygolrwydd addas ar gyfer sefyllfa benodol;
disgrifio modelu yn nhermau treialon Bernoulli a digwyddiadau hap;
defnyddio ffwythiannau i ddarganfod momentau a braslunio cromliniau;
asesu gwerth penodol mewn perthynas gyda gradd ffwythiant tebygolrwydd penodol;
mesur cymedrau a chyfranneddau o ddata;
esbonio'r defnydd o'r prawf ystadegol;
adeiladu a chynnal profion syml;
defnyddio tablau ystadegol perthnasol.
Nod
I gyflwyno Ystadegaeth i fyfyrwyr Mathemateg.
Disgrifiad cryno
Mae'r modiwl hwn yn anelu at ddatblygu modelau tebygolrwydd cyffredin sy'n gymwys ag amrywiaeth o sefyllfaoedd ynghyd ag egluro eu defnydd mewn cyd-destun ystadegol. Mae cyflwyniad i'r ddamcaniaeth o amcangyfrif hefyd yn cael ei gynnwys.
Cynnwys
1. Y BROBLEM O GASLIAD: Y gwahaniaeth rhwng tebygolrwydd a casgliad ystadegol. Asesu gwerthoedd 'nodweddiadol' o ddosraniad. Y syniad o ystadegyn. Amcangyfrif ac amcangyfrifynnau. Manwl gywirdeb. Tuedd, samplu, amrywiant a gwall sgwar cymedrig. Cymhariaeth o amcangyfrifynnau.
2. MODELU (STOCASTIG) WEDI'I SELIO AR DEBYGOLRWYDD (GAN GYNNWYS ENGHREIFFTIAU O GASGLIADAU): Treialon Bernoulli a dosraniadau wedi'i selio arnynt (Geometrig, Binomial). Polau opiniwn. Cydamrywiant a chydberthyniad.Amrywiantau cyfuniadau llinol o hapnewidynnau. Modelu hapddigwyddiadau. Y dosraniadau Poisson ac esbonyddol. Normalrwydd a'r Theorem Terfan Ganolog. Deddf Wan Rhifau Mawr.
3. CASGLIAD: Cymedr samplu, amrywiant samplu a gwyriad safonol cyfanswm y sampl a chyfartaledd y sampl. Profi ystadegol. Arwynebedd cynffon. Gwerthoedd p. Engreifftiau o brofion syml. Cyfyngau hyder.
Nodau
Mae'r modiwl hwn yn cydymffurfio a FfCChC Lefel 4