Gwybodaeth Modiwlau

Bydd y modiwl yn annog myfyrwyr i gymryd cyfrifoldeb am eu datblygiad personol, proffesiynol ac academaidd eu hunain a defnyddio hyn i wella eu hymarfer. Bydd gofyn i fyfyrwyr gadw portffolio o dystiolaeth i ddangos eu bod yn gallu bodloni’r safonau galwedigaethol cenedlaethol ar gyfer ymarferwyr blynyddoedd cynnar. Bydd myfyrio’n feirniadol ynglŷn ag arferion presennol a rolau proffesiynol yn rhan hanfodol o’r portffolio. Anogir myfyrwyr i gloriannu canfyddiadau ymchwil cyfredol ac i archwilio’r posibiliadau a’r goblygiadau ar gyfer datblygu yn y dyfodol, yn bersonol ac o fewn y proffesiwn. Neilltuir goruchwyliwr prifysgol a mentor lleoliad gwaith i bob myfyriwr. Bydd y trydydd modiwl lleoliad gwaith hwn yn rhoi sylw i’r materion canlynol:

-Cefnogi plentyn ag anghenion cymorth ychwanegol SCDCCLD 0209

-Cefnogi dysgu iaith newydd drwy ddulliau trochi ymhlith plant mewn lleoliad blynyddoedd cynnar SCDCCLD 0247

-Hyrwyddo dysgu iaith newydd drwy ddulliau trochi ymhlith plant mewn lleoliad blynyddoedd cynnar SCDCCLD 0347

-Hyrwyddo gofal, dysgu a datblygiad plant ag anghenion cymorth ychwanegol mewn lleoliadau addysg gynnar SCDCCLD 0339

-Hybu lles a gwytnwch plant SCDCCLD 0308

- Paratoi amgylcheddau i ddiwallu anghenion plant SCDCCLD 0205

-Cynllunio a threfnu amgylcheddau i blant a theuluoedd SCDCCLD 0306

-Creu amgylcheddau cadarnhaol ar gyfer babanod a phlant SCDCCLD 0312


-Gweithio gyda phlant a phobl ifanc i greu lleoedd chwarae a chefnogi gweithgareddau chwarae hunan-gyfeiriedig SKAPW34


-Datblygu eich ymarfer drwy fyfyrio a dysgu SCDCHSC 0023



-Datblygu eich gwybodaeth a’ch ymarfer eich hun SCDHSC 0023


Ymgymryd â phrosiect ymchwil SCDCCLD 0420


Cyfrannu at effeithiolrwydd timau SCDCHSC 0241


Meithrin perthynas waith gynhyrchiol ag eraill SCDCCLD 0338

Bydd myfyrwyr yn ymgymryd â 15 diwrnod mewn lleoliad blynyddoedd cynnar i ddatblygu eu sgiliau i ddod yn ymarferydd blynyddoedd cynnar. Bydd myfyrwyr yn canolbwyntio ar y cymwyseddau a amlinellir uchod. Yn ystod eu lleoliad gwaith, bydd myfyrwyr yn derbyn cymorth ar-lein ar y pynciau canlynol:

Y Safonau Galwedigaethol Cenedlaethol a datblygiad proffesiynol (darlith 2 awr)

Yn ogystal â hyn, byd gan bob myfyriwr goruchwyliwr dynodedig a mentor lleoliad gwaith a fydd yn monitro cynnydd y myfyriwr. Bydd disgwyl i’r myfyriwr anfon e-bost at y goruchwyliwr bob pythefnos i roi diweddariad ar eu cynnydd.

Trwy gydol semester 1 ym mlwyddyn 2, cynhelir gweithdai gyda’r myfyrwyr i ddarparu manylion ynglŷn â threfnu lleoliadau gwaith, ymddygiad proffesiynol a’r portffolios asesu. Bydd yn rhaid mynychu pob un o’r gweithdai.