Hannah Jones

Hannah Jones yw'r Rheolwr Partneriaethau Addysg Gofal Iechyd, ac mae’n gyfrifol am reoli a goruchwylio'r holl adroddiadau data o'r Ganolfan Addysg Gofal Iechyd i'n comisiynwyr yn Addysg a Gwella Iechyd Cymru (HEIW). Yn ei swydd, mae Hannah yn sicrhau bod data sy’n cefnogi’r gwaith o gyflwyno, comisiynu a gwerthuso rhaglenni addysg gofal iechyd yn cael ei gasglu a’i ddadansoddi’n gywir, yn amserol ac yn effeithiol, gan ddarparu dirnadaeth werthfawr ar gyfer cynllunio a datblygu'r gweithlu.

Agwedd allweddol ar rôl Hannah yw gweithio'n agos gydag ystod o randdeiliaid allanol, gan gynnwys Addysg a Gwella Iechyd Cymru (HEIW), byrddau iechyd partneriaethol, sefydliadau partneriaethol a darparwyr addysg rhanbarthol. Mae hi'n allweddol wrth ddatblygu a chynnal cysylltiadau gwaith cryf, sicrhau cyfathrebu clir, gwaith partneriaethol effeithiol, a chyfnewid gwybodaeth ddi-dor rhwng y sefydliad a'i bartneriaid allanol.

Yn ogystal â hyn, Hannah yw Gohebydd Swyddogol y Cyngor Nyrsio a Bydwreigiaeth ar gyfer yr adran. Yn y rôl hon, mae'n gweithredu fel y prif bwynt cyswllt ar gyfer yr holl gyfathrebu swyddogol a gohebiaeth reoleiddiol gyda'r Cyngor Nyrsio a Bydwreigiaeth, gan gefnogi'r adran i gynnal cydymffurfiaeth â safonau proffesiynol a gofynion rheoleiddio.

Mae gan Hannah radd academaidd mewn Teledu a Ffilm, ac mae’n cynnig dull creadigol, dadansoddol a manwl o ymdrin â rheoli data a phrosesau sefydliadol. Dechreuodd ei gyrfa mewn addysg uwch yn 2007, gan dreulio naw mlynedd yn adran Adnoddau Dynol y Brifysgol, lle adeiladodd sylfaen gref mewn rheolaeth weithredol a datblygu staff. Yna gwasanaethodd fel Gweinyddwr Adrannol ar gyfer yr adran Gwasanaethau Gwybodaeth am saith mlynedd, gan hogi ei harbenigedd o ran arweinyddiaeth weinyddol ymhellach.

Ers ymuno â'r tîm nyrsio, mae Hannah hefyd wedi darparu cefnogaeth werthfawr i'r Prif Arweinydd a'r Pennaeth Addysg Gofal Iechyd, gan gyfrannu at gydlynu a chyflwyno mentrau addysg gofal iechyd. Mae ei chefndir amrywiol ar draws Prifysgol Aberystwyth yn ei harfogi â'r sgiliau i lywio a meithrin partneriaethau effeithiol ar draws y sector gofal iechyd.

• Dydd Llun 08:30-17:00
• Dydd Mawrth 08:30-17:00
• Dydd Mercher 08:30-17:00
• Dydd Iau 08:30-17:00
• Dydd Gwener 08:30-16:00