Miss Annette Edwards
PGCert. (Teaching in Higher Education), SFHEA, FSEDA,
Academic Staff Development Theme Leader
Manylion Cyswllt
- Ebost: aee@aber.ac.uk
- Swyddfa: E10, Llyfrgell Hugh Owen
- Ffôn: +44 (0) 1970 622386
Proffil
Fi yw cydlynydd modiwl y rhaglen Addysgu ar gyfer Uwchraddedigion ym Mhrifysgol Aberystwyth (AUMA). Mae'r rhaglen yn datblygu sgiliau addysgu myfyrwyr uwchraddedig sydd eisoes yn addysgu yn eu hadrannau. Mae'r rhaglen yn rhoi sylfaen i'r myfyrwyr o arfer da mewn addysgu ac yn ehangu eu gwybodaeth a'u harbenigedd mewn ystod o feysydd addysgu craidd. Mae'r rhaglen wedi'i hachredu trwy'r Academi Addysg Uwch (AAU) ar lefel Cymrodoriaeth Gysylltiol. Bydd y rhai sy'n cwblhau'r rhaglen yn dod yn Gymrodyr Cysylltiol yr Academi Addysg Uwch (AFHEA).
Fi yw prif gyswllt Prifysgol Aberystwyth ar gyfer Cymrodyr Addysgu Cenedlaethol Advance HE (NTF) a'r Wobr Gydweithredol am Ragoriaeth mewn Addysgu (CATE). Cynlluniais a rheolais y broses fewnol ddwyieithog ar gyfer y ddwy wobr a byddaf yn cefnogi pob ymgeisydd, trwy fentora, ym mhob elfen o'r ceisiadau. Rwyf hefyd wedi adolygu ar gyfer Advance HE (AU Ymlaen) ar gyfer y ddwy wobr hon. Peidiwch ag oedi cyn cysylltu â mi os ydych chi eisiau gwybod mwy am y ddwy wobr.
Rwy'n cynnal gweithdai cyfrwng Cymraeg ar ofynion cynllun ARCHE sydd â throsolwg o bob lefel o gymrodoriaethau'r AAU ynghyd â chefnogaeth a mentora i academyddion sydd am gyflwyno cais. Rwyf hefyd wedi bod yn adolygydd allanol ar gyfer Bangor ac Abertawe ar wahanol lefelau, AFHEA, FHEA, SFHEA a PFHEA.
Rwyf hefyd yn cynllunio ac yn cynnal gweithdai Cymraeg eraill ar amrywiaeth o bynciau e.e. Arsylwi Cymheiriaid ar Addysgu. Ar gais, gallaf hefyd gynnal gweithdai pwrpasol Cymraeg ar gyfer adrannau neu dimau ar ddysgu ac addysgu a datblygu staff academaidd.
Rwy'n gyfrifol am yr holl fyfyrwyr cyfrwng Cymraeg sydd wedi'u cofrestru ar ein Tystysgrif Ôl-raddedig Addysgu mewn Addysg Uwch (PGCTHE). Rwy'n ymwneud â phob agwedd ar y cynllun, sy'n cynnwys cyflwyno yn y cwrs cynefino, arsylwi cymheiriaid ar addysgu ac ymgynghori ar faterion dysgu ac addysgu. Rwy'n cyfrannu at raglen DPP Genedlaethol y Coleg Cymraeg Cenedlaethol, yn bennaf gweithdy ar Arsylwi Cymheiriaid ar Addysgu.
Mewn blynyddoedd blaenorol roeddwn yn gydlynydd y modiwlau Arweinyddiaeth ac Arwain Effeithiol mewn Prifysgolion, a gynlluniwyd ar gyfer gweithwyr proffesiynol ar ddechrau eu gyrfa. Edrychai’r modiwlau ar fodelau arddulliau arweinyddiaeth, adeiladu tîm, myfyrio a mentora. Mae gen i achrediad Belbin, felly rydw i wedi cynnal gweithdai yn rhan o'r modiwlau arweinyddiaeth.