Ysgoloriaethau

Mae’r Coleg yn cynnig ysgoloriaethau i fyfyrwyr israddedig ac ôl-raddedig. Mae nifer o gynlluniau gradd y Brifysgol, mewn amryw o feysydd academaidd yn gymwys ar gyfer ysgoloriaethau y Coleg.

Am restr gyflawn o gyrsiau sy’n gymwys ar gyfer ysgoloriaeth yn Aberystwyth, edrychwch yn ein prosbectws cyfrwng Cymraeg. Mae gwybodaeth ar gael hefyd ar chwilotydd cyrsiau'r Coleg Cymraeg.

Bydd holl ddeiliaid ysgoloriaethau yn cael gweithio tuag at gymhwyster Tystysgrif Sgiliau Iaith y Coleg.

Ysgoloriaethau Israddedig

Prif Ysgoloriaethau

Gwerth y Prif Ysgoloriaethau yw £3000 (£1000 y flwyddyn) a chynigir y rhain i fyfyrwyr sy'n astudio 80 credyd neu'n fwy'r flwyddyn drwy gyfrwng y Gymraeg. Rhaid i fyfyrwyr sefyll ein harholiad mynediad i gael eu hystyried ar gyfer un o Brif Ysgoloriaethau’r Coleg ym Mhrifysgol Aberystwyth. Dylid llenwi'r atodiad perthnasol ar ffurflen gais yr ysgoloriaeth er mwyn cofrestru ar gyfer yr arholiad. Nid oes modd trosglwyddo Brif Ysgoloriaeth y Coleg Cymraeg a ddyfernir gan un brifysgol i brifysgol arall.

Ysgoloriaethau Cymhelliant

Mae’r Coleg hefyd yn cynnig Ysgoloriaethau Cymhelliant gwerth £1500 (£500 y flwyddyn) ar gyrsiau lle mae modd astudio 40 credyd y flwyddyn drwy gyfrwng y Gymraeg. Nid oes angen sefyll arholiad ar gyfer yr Ysgoloriaethau Cymhelliant.

Am fanylion llawn ar sut i wneud cais am ysgoloriaeth a ffurflenni cais, ewch i adran myfyrwyr gwefan y Coleg.

Peidiwch ag anghofio am Ysgoloriaethau, Bwrsariaethau a Gwobrau’r Brifysgol. Ceir mwy o fanylion yma.

Ysgoloriaethau Ymchwil

Mae Ysgoloriaethau Ymchwil y Coleg yn cynnig grant cynhaliaeth a ffioedd sy’n gyfwerth â’r hyn a gynigir gan Gynghorau Ymchwil y DG (UKRI) i ddarpar academyddion sydd yn astudio ar gyfer doethuriaeth. Maent hefyd yn derbyn hyfforddiant mewn sgiliau ymchwil ac addysgu ac yn magu profiad trwy gyfrannu at fodiwlau israddedig trwy gyfrwng y Gymraeg.

Mae’r Gangen yn gallu enwebu un Ysgoloriaeth Ymchwil doethuriaeth (PhD) drwy’r Coleg Cymraeg Cenedlaethol pob blwyddyn. Y drefn arferol yw bod pob Prifysgol yng Nghymru yn gallu cyflwyno hyd at pum chais y flwyddyn i’w hystyried gan y Coleg Cymraeg Cenedlaethol. Rydym yn croesawi syniadau am brosiectau posib drwy’r flwyddyn ond byddai angen i ni dderbyn cais erbyn 1af o Dachwedd er mwyn ystyried prosiect bydd yn dechrau yn y mis Medi canlynol.

Prosiectau Ymchwil Blaenorol

Darperir y tabl isod i roi syniad i ymgeiswyr o’r teitlau prosiectau a’r meysydd pwnc mae’r Coleg Cymraeg Cenedlaethol wedi ariannu ym Mhrifysgol Aberystwyth hyd yn hyn:

Pwnc	Teitl a chopi o'r traethawd
Daearyddiaeth	Astudiaeth o gyfraddau a phatrymau ansefydlogrwydd fertigol ar afonydd Cymru
Hanes a Hanes Cymru	Chwaraeon a chymdeithas : gogledd orllewin Cymru, c.1850-1914
Gwyddorau Biolegol	Prosesau cysgadrwydd ac egino mewn sborau bacteria a ffyngau
Daearyddiaeth	Ffydd, hunaniaeth, a bywyd bob dydd : daearyddiaethau cwtidaidd Mwslemiaid gorllewin Cymru
Mathemateg	Dadelfeniad cyfeiliornad darogan y tywydd trwy ddefnyddio adnewyddiadau ffrwythiannau
Hanes Cymru	Myfyrwyr canoloesol Cymreig a'u gyrfaoedd
Y Gyfraith	Addysg gyfreithiol cyfrwng Cymraeg, a oes hawl i’r ddarpariaeth, ac a ydyw strwythur y ddarpariaeth yn ddigonol?
Daearyddiaeth (Newid Hinsawdd)	Newid hinsawdd: Astudio effeithiau digwyddiadau meteorolegol eithafol ar bobl y gorffennol er mwyn deall ein presennol a'n dyfodol
Diwydiannau Creadigol	Arwyddocâd anime fel ffurf animeiddio newydd, gan gyfeirio at weithiau dethol gan Hayao Miyazaki, Satoshi Kon a Mamoru Oshii
Astudiaethau Theatr	Croesi’r bar: Archwilio hunaniaeth y mewnfudwr Prydeinig trwy gyfrwng archif yr artist Cliff McLucas
Seicoleg	Seicoleg wybyddol: Datgelu salwch niwroddirywiol mewn arlunwyr
Y Gyfraith	Y gyllell ddyrchafedig : archwilio ffiniau hunan-amddiffyniad
Gwleidyddiaeth Ryngwladol	ASEau, Pleidiau, a disgyblaeth : beirniadaeth o'r 'thesis rheoli pleidiol'
Amaethyddiaeth	Cloffni mewn gwartheg godro, y ffactorau sydd yn ei achosi a’r problemau sy’n codi ohono
Sgriptio	Beth yw ysgrifennu newydd?: Dadansoddiad hanesyddol ac ymholiad ymarferol i’r hyn a olygir gan ysgrifennu newydd heddiw
Gwleidyddiaeth Ryngwladol	Ymgysylltiad gwleidyddol ar sail ffydd ar lefel is-wladwriaeth yn y DU: achosion Cymru a Gogledd Iwerddon
Daearyddiaeth Ddynol	Polisi Iaith Ymddygiadol?
Cymraeg	Ymchwil i Gymru Fydd: Datblygiad a Delweddau Ffuglen Wyddonol yn y Gymraeg
Daearyddiaeth	Archwilio'r posibiliadau o fewnblannu dealltwriaeth geomorffolegol wrth hyrwyddo a gwarchod geodreftadaeth Cymru
Gwyddorau Amgylcheddol	Rhyngweithiadau planhigyn-pridd y rhywogaeth ymledol Rhododendron ponticum L.
Gwyddorau Amgylcheddol	Astudiaethau ar darddiad esblygiadol a photensial biodechnolegol y ffyngau anaerobig
Ffiseg	Astudiaethau mewn digwyddiadau Cromosfferig a Haen Trawsnewid a'u perthynas â'r Corona gan ddefnyddio IRIS ac AIA
Gwyddorau Amaethyddol	Canfod a rheoli Twbercwlosis buchol (bTB) yn yr amgylchedd ar ffermydd yng Nghymru
Ffiseg	Offeryniaeth, arsylwadau, a dadansoddiad o gorona’r Haul mewn golau gweladwy band cul a band eang
Gwyddorau Amaethyddol	Ffermio digidol yng Nghymru: Troi gwastraff Amaeth yn gyfoeth
Troseddeg	Heddlua pobl sy’n agored i niwed
Milfeddygaeth	Meintioli ymddygiad da byw ar gyfer canfod clefydau gan ddefnyddio technolegau monitro da byw manwl gywir
Hanes	‘Bron bob tŷ wedi claddu rhywun annwyl!’ Astudiaeth o Bandemig Y Ffliw yng Nghymru, 1918-20
Cymraeg i Oedolion	Profiadau, cymhelliant a dilyniant dysgwyr Cymraeg rhwng 16 a 20 mlwydd oed. Sut mae cryfhau y dilyniant ieithyddol ar gyfer dysgwyr 16-18 mlwydd oed a dysgwyr dros 18 mlwydd oed?
Gwyddorau Amaethyddol	Strategaethau amaethyddol y dyfodol yng Nghymru: arweinir gan y farchnad, darparwyr gwasanaethau ecosystem neu arloeswyr arbenigol?
Cymraeg	Gyda’i gilydd yn gryfach? Pŵer y ffilm farddoniaeth
Troseddeg	Astudiaeth achos yn edrych ar effaith trychinebau tirlithriad yng Nghymru o berspectif cyfiawnder amgylcheddol o fewn Troseddeg Werdd