Newyddion

Cyhoeddi Prif Siaradwr y Gynhadledd Dysgu ac Addysgu Flynyddol

31/03/2025

Rydym yn falch iawn o gadarnhau y bydd Dr Neil Currant yn ymuno â ni wyneb yn wyneb i siarad am arferion asesu tosturiol a chynhwysol yn y Gynhadledd Dysgu ac Addysgu flynyddol eleni. Yn ogystal, bydd Neil yn cynnig gweithdy i’r cynadleddwyr.

Cynhelir y gynhadledd rhwng 8 a 10 Gorffennaf. Bydd sesiwn Neil yn cael ei chynnal ddydd Mercher 9 Gorffennaf.

Mae rhagor o wybodaeth, gan gynnwys dolen gyswllt at y dudalen archebu lle, ar gael ar ein blog.

Cyhoeddi Rhaglen Cynhadledd Fer

20/03/2025

Rydym yn falch o gadarnhau ein rhaglen ar gyfer ein cynhadledd fer ar-lein ar dydd Mawrth 8 Ebrill (09:15-13:00).

Cyflogadwyedd a'r Cwricwlwm Cynhwysol yw thema’r gynhadledd. Bydd y siaradwyr yn cynnwys Dr Aranee Manoharan, Dr Saffron Passam, Dr Louise Ritchie, Annabel Latham, Bev Herring, a Jo Hiatt.

Mae rhagor o wybodaeth, gan gynnwys dolen gyswllt â’r tudalen archebu lle, ar gael ar ein blog.

Enillwyr Gwobr Cwrs Eithriadol 2024-25

20/03/2025

Llongyfarchiadau mawr i Enillydd y Wobr Cwrs Eithriadol eleni. Mari Dunning, Dysgu Gydol Oes, ar gyfer y cwrs Writing Women: Feminism in Poetry and Prose.

Llongyfarchiadau i'r rhai a dderbyniodd ganmoliaeth a chanmoliaeth uchel: Dr Kathy Hampson o'r Gyfraith a Throseddeg, Henrietta Tremlett, Dysgu Gydol Oes, a Dr Yasir Saleem Shaikh o Gyfrifiadureg.

Gweler y cyhoeddiad ar ein blog am ragor o wybodaeth.  

Gweld adnoddau Llyfrgell ar-lein o'ch dyfais eich hun: effaith newidiadau preifatrwydd porwyr byd-eang

14/03/2025

Yn ystod 2025 bydd porwyr gwe megis Chrome, Firefox, Safari ac Edge yn gweithredu swyddogaeth preifatrwydd newydd a fydd yn rhwystro gwefannau rhag gwybod cyfeiriad IP y defnyddiwr. Mae rhagor o wybodaeth ar gael ar-lein am y newidiadau hyn a sut i barhau i weld adnoddau ar-lein, ar y campws ac oddi arno.

Hwyl yn Llyfrgell Hugh Owen!

11/03/2025

Dewch i Ystafell Iris de Freitas, Llyfrgell Hugh Owen a mwynhewch ein casgliad cyffrous o gemau bwrdd. O jig-sos a phosau i LEGO a gwyddbwyll, mae rhywbeth at ddant pawb.

Cymerwch seibiant o'r astudio, herio eich ffrindiau, neu fwynhau amser tawel i chi’ch hun. Dewch i chwarae!

Tanysgrifiwch ar gyfer e-bost wythnosol newydd SgiliauAber

26/02/2025

Dysgwch am y gweithdai SgiliauAber diweddaraf, newyddion sgiliau, awgrymiadau ac adnoddau defnyddiol heb adael eich mewnflwch. 

Beth sy'n cael ei gynnig?

  • Cael gwybod: Derbyn manylion am y gweithdai sydd ar ddod yn ystod yr wythnos. Mae’r gweithdai yn cwmpasu sgiliau hanfodol fel ysgrifennu academaidd, cyflogadwyedd, a datblygiad personol.
  • Darganfod adnoddau i ddatblygu’ch sgiliau: Dysgwch am adnoddau amrywiol a all eich helpu yn eich astudiaethau, eich addysgu a'ch gyrfa.

Mae eich dos wythnosol o sgiliau a llwyddiant yn dechrau yma! Cliciwch i danysgrifio

Gallwch ddad-danysgrifio ar unrhyw adeg.

Microsoft Office

15/01/2025

Gall staff a myfyrwyr lawrlwytho Microsoft Office yn rhad ac am ddim ar hyd at 15 dyfais.

Mae’n cynnwys y rhaglenni:

  • Word
  • Excel
  • PowerPoint
  • Outlook
  • OneNote
  • Teams
  • Publisher
  • Access
  • Skype

Mae canllaw cam wrth gam ar gyfer lawrlwytho MS Office ar eich dyfais ar gael yma: https://faqs.aber.ac.uk/cy/1391 

Gwasanaethau Gwybodaeth: Canllawiau DA i chi

13/01/2025

Mae gan y Gwasanaethau Gwybodaeth dudalen gymorth a gwybodaeth newydd ar gyfer Deallusrwydd Artiffisial: https://www.aber.ac.uk/cy/is/help/ai/

Mae'r dudalen hon yn dwyn ynghyd bolisïau a chyngor ar ddiogelwch yn ogystal â chanllawiau ar gyfer defnyddio DA yn eich astudiaethau, eich addysgu, eich ymchwil a'ch gwaith gweinyddol. 

DA a'r Llyfrgell - Wythnos Un. Ein Canllaw a'n Cyfres Blogbost Newydd

30/09/2024

Piciwch draw i Blog y Llyfrgellwyr i ddarlllen y cyntaf yn ein cyfres o bostiadau blog 'DA a'r Llyfrgell'.

Dyma gipolwg o’r hyn y gallwch ei ddisgwyl yn ystod yr wythnosau nesaf:

  • Adolygiadau o offer DA.
  • Cyngor ymarferol ar adeiladu anogwyr effeithiol.
  • Datblygu chwiliadau allweddair clyfar.
  • Darganfod adnoddau sy’n gysylltiedig â’ch maes astudio.
  • Gwerthuso allbynnau DA trwy gymhwyso’r prawf CCAPP.
  • Risgiau defnyddio DA.

Tanygrifiwch i'r Blog i gael y cofnodion yn eich mewnflwch wrth iddynt gael eu cyhoeddi.