Newyddion

10 diweddariad i Vevox

13/02/2025

Mae 10 nodwedd a diweddariad cyffrous newydd i Vevox, sef dewis y Brifysgol o ddull pleidleisio.

Gweler ein blogbost am ragor o wybodaeth.

Beth sy'n Newydd yn Blackboard Chwefror 2025

06/02/2025

Mae diweddariad Blackboard am fis Chwefror yn cynnwys gwelliannau i lifau gwaith Aseiniadau a Phrofion, a newidiadau pellach i’r Cynorthwyydd Dylunio DA. Ceir opsiynau newydd hefyd i reoli a chreu cynnwys, a chywirdeb pellach wrth uwchlwytho graddau ac adborth. Am fanylion pellach, gwelwch ein blog: Beth sy’n newydd yn Blackboard Chwefror 2025

Mannau astudio unigol ar Lefel D Llyfrgell Hugh Owen

05/02/2025

Er mwyn ei gwneud yn haws i chi astudio’n dawel ac yn breifat ar Lefel D Llyfrgell Hugh Owen rydym wedi ychwanegu rhanwyr desgiau mewn 8 man astudio.

Adnodd ar-lein newydd: Routledge Performance Archive

31/01/2025

Mae Routledge Performance Archive (RPA) yn darparu mynediad unigryw at ystod ddigynsail, sy'n ehangu'n barhaus, o ffrydiau fideo a sain gan ymarferwyr perfformio o’r gorffennol a’r presennol, ynghyd â sylwebaeth feirniadol berthnasol

Mae'r archif yn cynnwys:

  • cyfweliadau â ffigurau allweddol ym meysydd hanes perfformio ac ymarfer cyfoes;
  • dosbarthiadau meistr gyda hyfforddwyr perfformio arbenigol o bob cwr o'r byd;
  • deunydd fideo a ddarperir yn uniongyrchol gan ymarferwyr o fri;
  • clipiau a fersiynau llawn o gynyrchiadau ac arbrofion cyfoes;
  • rhaglenni dogfen nad oeddent ar gael yn flaenorol i gynulleidfaoedd byd-eang:
  • a thraethodau cyd-destunol, wedi’u comisiynu’n arbennig, gan ymarferwyr ac ysgolheigion gwybodus.

I ddefnyddio’r adnodd oddi ar y campws: mewngofnodwch i Primo, ewch i RPA, cliciwch ar Shibboleth Login a dewiswch Prifysgol Aberystwyth o'r ddewislen o sefydliadau sy’n tanysgrifio. Os oes gennych unrhyw gwestiynau, e-bostiwch llyfrgellwyr@aber.ac.uk 

Mathau newydd o Adnoddau yn Rhestrau Darllen Aspire

22/01/2025

Nawr gallwch ddewis y Mathau o Adnoddau canlynol ar gyfer eitemau newydd mewn rhestrau darllen Aspire

  • Cronfa ddata
  • ?Adroddiad
  • Papur newydd
  • Gwrthrych

neu ddiwygio eitemau presennol lle mae'r rhain yn ffitio'n well na'r Math o Adnoddau presennol.

Dewiswch hwy o'r ddewislen Math o Adnoddau fel y bo'n briodol wrth ychwanegu cynnwys o dudalennau gwe gan ddefnyddio estyniad eich porwr neu wrth ychwanegu / golygu cynnwys â llaw.

Os oes gennych unrhyw gwestiynau, cysylltwch â’r tîm Ymgysylltu Academaidd: llyfrgellwyr@aber.ac.uk  

Oriau agor Llyfrgell Hugh Owen

20/01/2025

O ddydd Sul 26 Ionawr, mae Lefel D, Llyfrgell Hugh Owen yn aros ar agor 24/7 ac mae Lefelau E ac F ar agor rhwng 08:30 a 22:00 tan ddiwedd y tymor.

Bydd staff yn bresennol ar Ddesg Ymholiadau'r GG rhwng 08:30 a 22:00 7 diwrnod yr wythnos yn ystod y tymor.

Mae oriau agor llawn y llyfrgell ar gael yn: https://www.aber.ac.uk/cy/is/about/opening-hours/

Microsoft Office

15/01/2025

Gall staff a myfyrwyr lawrlwytho Microsoft Office yn rhad ac am ddim ar hyd at 15 dyfais.

Mae’n cynnwys y rhaglenni:

  • Word
  • Excel
  • PowerPoint
  • Outlook
  • OneNote
  • Teams
  • Publisher
  • Access
  • Skype

Mae canllaw cam wrth gam ar gyfer lawrlwytho MS Office ar eich dyfais ar gael yma: https://faqs.aber.ac.uk/cy/1391 

Gwasanaethau Gwybodaeth: Canllawiau DA i chi

13/01/2025

Mae gan y Gwasanaethau Gwybodaeth dudalen gymorth a gwybodaeth newydd ar gyfer Deallusrwydd Artiffisial: https://www.aber.ac.uk/cy/is/help/ai/

Mae'r dudalen hon yn dwyn ynghyd bolisïau a chyngor ar ddiogelwch yn ogystal â chanllawiau ar gyfer defnyddio DA yn eich astudiaethau, eich addysgu, eich ymchwil a'ch gwaith gweinyddol. 

DA a'r Llyfrgell - Wythnos Un. Ein Canllaw a'n Cyfres Blogbost Newydd

30/09/2024

Piciwch draw i Blog y Llyfrgellwyr i ddarlllen y cyntaf yn ein cyfres o bostiadau blog 'DA a'r Llyfrgell'.

Dyma gipolwg o’r hyn y gallwch ei ddisgwyl yn ystod yr wythnosau nesaf:

  • Adolygiadau o offer DA.
  • Cyngor ymarferol ar adeiladu anogwyr effeithiol.
  • Datblygu chwiliadau allweddair clyfar.
  • Darganfod adnoddau sy’n gysylltiedig â’ch maes astudio.
  • Gwerthuso allbynnau DA trwy gymhwyso’r prawf CCAPP.
  • Risgiau defnyddio DA.

Tanygrifiwch i'r Blog i gael y cofnodion yn eich mewnflwch wrth iddynt gael eu cyhoeddi.