Module Information
Manylion y cyrsiau
Dulliau Asesu
| Math o Assessiad | Manylion / Hyd Assessiad | Cyfran |
|---|---|---|
| Asesiad Ailsefyll | Portffolio 1500 o eiriau | 50% |
| Asesiad Ailsefyll | Prosiect Ymarferol Unigol 5 Munud | 50% |
| Asesiad Semester | Portffolio 1500 o eiriau | 50% |
| Asesiad Semester | Prosiect Ymarferol 5 Munud | 50% |
Canlyniadau Dysgu
Wedi cwblhau'r modiwl dylai'r myfyrwyr fedru:
Arddangos ymwybyddiaeth o'r wahanol gamau cynhyrchu ffilm fer, o'r syniad cychwynnol i'r allbwn terfynol, gan gynnwys gwaith camera a golygu.
Llwyddo i rannu'r ffilmiau trwy'u gosod ar y we.
Gweithio'n effeithiol fel rhan o dîm cynhyrchu.
Arddangos dealltwriaeth fanwl o rolau penodol o fewn y broses gynhyrchu.
Arddangos gallu i adlewyrchu'n feirniadol ar eu cyfraniad unigol o fewn tîm cynhyrchu.
Disgrifiad cryno
Disgwylir i'r myfyrwyr weithio mewn grŵp, ac i ystyried y math o gyfleon, manteision a chyfrifoldebau sy'n codi o ganlyniad i gydweithio fel tîm wrth ymdrin â chamera. Amcangyfrifir y bydd y cynhyrchiad terfynol a gyflwynir ganddynt yn arddangos eu gallu i asio gwahanol agweddau ar y cyfryngau.
Asesir y prosiect yn uniongyrchol trwy farcio (i) cyrhaeddiad y grŵp yn y prosiect terfynol, a (ii) thrwy gyflwyniad o bortffolio unigol o ddeunyddiau a syniadau paratoadol, gwaith ymchwil a archwiliad o ddeunydd cyd-destunol priodol.
Nod
Fe fydd y modiwl hwn hefyd yn gyfle i'r myfyrwyr i geisio dygymod â'r math o waith cynhyrchu a fedrir ei greu trwy gyfuniad o gyfryngau.
Cynnwys
Seilir cynnwys y modiwl ar gyfle neilltuol i weithio fel grŵp ar nifer o ffilmiau byr. Mae’r modiwl yn cynnig cyfle i ysgrifennu, ymchwilio, saethu a golygu ffilmiau gan drafod a dadansoddi mewn modd aml cyfryngol trwy 'blog' grŵp. At hynny, fydd y sesiynau ymarferol a'r gwaith tuag at adfyfyriad ysgrifenedig yn cynnwys cyfeiriadau a thrafodaethau ar waith ymarferwyr allweddol.
Nodau
Mae'r modiwl hwn yn cydymffurfio a FfCChC Lefel 4