Module Information
Manylion y cyrsiau
Dulliau Asesu
| Math o Assessiad | Manylion / Hyd Assessiad | Cyfran |
|---|---|---|
| Asesiad Ailsefyll | Portffolio Creadigol 3000 o eiriau | 50% |
| Asesiad Ailsefyll | Traethawd Ysgrifenedig 3000 o eiriau | 50% |
| Asesiad Semester | Portffolio Creadigol 3000 o eiriau | 50% |
| Asesiad Semester | Traethawd Ysgrifenedig 3000 o eiriau | 50% |
Canlyniadau Dysgu
Wedi cwblhau'r modiwl dylai'r myfyrwyr fedru:
Dangos dealltwriaeth o hanes, polisïau ac ymarfer ym maes cyfieithu creadigol mewn mwy nac un cyd-destun ieithyddol neu ddiwylliannol.
Dangos dealltwriaeth o gyfieithu yn y cyd-destun creadigol rhyngwladol.
Cymhwyso sgiliau cyfieithu ar gyfer y cyd-destun creadigol rhyngwladol.
Disgrifiad cryno
Yn y modiwl hwn esbonnir ychydig o gefndir cyfieithu yn rhyngwladol yn y cyd-destun creadigol (e.e. llenyddiaeth, beirniadaeth, barddoniaeth, theatr, ffilm, cyfryngau ac ati). Rhoddir cyflwyniad i hanes, polisïau ac ymarfer mewn gwahanol gyd-destunau diwylliannol a ieithyddol ym maes cyfieithu creadigol, gan roi sylw penodol i’r cyfnewid diwylliannol rhwng Cymru a’r byd.
Nod
Pwrpas y modiwl hwn yw cyflwyno myfyrwyr i gyd-destun rhyngwladol ar gyfer cyfieithu creadigol ar draws ystod o feysydd. Bydd yn caniatáu i fyfyrwyr amlieithog i ymestyn eu sgiliau cyfieithu ymhellach, ac i’r myfyrwyr dwyieithog i archwilio cyd-destunau ble defnyddir iaith bont.
Cynnwys
i. Cyflwyniad i Gyfieithu Creadigol yn y Cyd-destun Rhyngwladol: archwilio traddodiad, polisi ac ymarfer cyfredol.
(2 ddarlith/gweithdy = 4 awr)
ii. Cyfieithu Cymru, Darllen y Byd: archwilio cyfnewid llenyddol rhwng Cymru a’r byd oddi ar 1998 (gan gynnwys achosion astudio).
(2 ddarlith/gweithdy = 4 awr)
iii. Cyfieithu Creadigol ym maes Ffilm a Theledu (gan gynnwys achosion astudio)
(2 ddarlith/gweithdy = 4 awr)
iv. Cyfieithu Creadigol ym maes Theatr (gan gynnwys achosion astudio megis Sibrwd, Theatr Genedlaethol Cymru)
(2 ddarlith/gweithdy = 4 awr)
v. Gweithdy cyfieithu rhwng y Gymraeg ac iaith heblaw Saesneg neu gan ddefnyddio Saesneg fel iaith bont neu rhwng y Gymraeg a’r Saesneg. Gweithdy 6 awr mewn cydweithrediad â Sefydliad Mercator a’i phrosiectau, Cyfnewidfa Lên Cymru, Llenyddiaeth ar draws Ffiniau a Detholion.
Gall myfyrwyr ddewis cyfieithu’n uniongyrcho o blith yr ieithoedd canlynol:
Ffrangeg, Sbaeneg, Catalaneg, Galisieg, Eidaleg, Basgeg, Gwyddeleg, Llydaweg, Almaeneg a Rwsieg.
Gall myfyrwyr ddewis cyfieithu’n anuniongyrchol o ieithoedd eraill.
Sgiliau Modiwl
| Math o Sgiliau | Manylion Sgiliau |
|---|---|
| Cyfathrebu | Bydd myfyrwyr yn arddangos eu sgiliau cyfathrebu drwy’r holl weithdai (Themâu x 4 a’r Gweithdy Cyfieithu), Yn ogystal bydd y Portffolio Cyfieithu yn rhoi cyfle i fyfyrwyr arddangos eu gallu i drosglwyddo ystyr o un iaith i’r llall yn gywir ac i safon uchel, mewn amrywiol gyweiriau ac ar gyfer gwahanol gynulleidfaoedd. |
| Datblygu personol a chynllunio gyrfa | Bydd y sesiynau yn cynnig cyfle (yn enwedig drwy’r achosion astudio) i’r myfyrwyr ystyried eu gyrfaoedd ymhellach. Bydd y Gweithdy (ac Aseiniad 2) hefyd yn cynnig datblygiad personol ar gyfer y myfyriwr fel cyfieithydd creadigol. |
| Datrys Problemau | Mae datrys problemau ieithyddol a diwylliannol yn rhan hanfodol o gyfieithu. |
| Gwaith Tim | Bydd gwaith tîm yn digwydd yn ystod y modiwl, ac yn benodol yn ystod y Gweithdy, ond ni chaiff ei asesu. |
| Gwella dysgu a pherfformiad ei hun | Bydd y myfyrwyr yn datblygu eu sgiliau cyfieithu creadigol rhyngwladol yn y Gweithdy ac yna yn cyflwyno eu portffolio yn unigol wedi hynny. Bydd cyfle felly iddynt wella eu perfformiad eu hunain yn sgil ymatebion gan gyd-fyfyrwyr a’r tiwtoriaid yn ystod y broses hon. Ni chaiff y ‘gwella’ ei asesu. |
| Rhifedd | |
| Sgiliau pwnc penodol | Mae cyfieithu yn sgil pwnc-benodol. |
| Sgiliau ymchwil | Mae gofyn i fyfyrwyr ddefnyddio’r sgiliau hyn drwy gydol y modiwl. |
| Technoleg Gwybodaeth | Defnyddir technoleg gwybodaeth mewn rhai o’r themâu (e.e. Theatr, Ffilm a Chyfryngau). |
Nodau
Mae'r modiwl hwn yn cydymffurfio a FfCChC Lefel 7