Module Information

Amcanion y cwrs darlithoedd yn gyntaf yw cyflwyno myfyrwyr i'r arferion traddodiadol gorau ar gyfer pennu, cynllunio, cyflwyno, profi a gweithredu systemau meddalwedd mawr; ac yn ail i ddarparu fframwaith ar gyfer y deunydd mwy manwl ar ddylunio a ddysgir mewn cyrsiau eraill. Prosiect grwp yw'r gwaith ymarferol. Mae'n bosibl y rhoddir prosiectau gwahanol i fyfyrwyr ar gynlluniau gradd gwahanol.

Caiff system diwtorial gyffredinol i fyfyrwyr Blwyddyn 2 ei gweinyddu drwy'r modiwl hwn.

Amcan y modiwl hwn yw cyflwyno myfyrwyr i egwyddorion sylfaenol peirianneg meddalwedd a rhoi iddynt y profiad o ddatblygu system meddalwedd mewn tim. Yn benodol, mae'n anelu at wneud y canlynol:

• dangos arferion gorau i fyfyrwyr yng ngweithgareddau peirianneg rheoli prosiect, sicrhau ansawdd a chydymffurfio a safonau;
• galluogi myfyrwyr i adnabod a defynyddio arferion priodol ar gyfer pennu, cynllunio, profi a gweithredu systemau meddalwedd mawr;
• darparu fframwaith ar gyfer disgyblaeth peirianneg meddalwedd, gan gynnwys y deunydd mwy manwl ar ddylunio a gweithredu a ddysgir mewn cyrsiau eraill;
• cynnwys myfyrwyr wrth ddatblygu darn o feddalwedd sydd mor agos ag sy'n bosibl mewn amgylchedd prifysgol i'r amgylchiadau datblygu meddalwedd a geir mewn diwydiant.

1. Cyflwyniad : 3 Ddarlith
Ymagwedd ac ymrwymiadau'r peiriannydd proffesiynol. Meddalwedd fel arteffact peirianneg. Tebygrwydd rhwng meddalwedd a changhennau eraill o beirianneg.

2. Cylch Bywyd Meddalwedd : 2 Ddarlith
Disgrifio o'r cyfnodau mewn ystod o gylchoedd bywyd meddalwedd (gan gynnwys Rhaeadr, Prototeipio, Rhaglennu Eithafol a modelau Troell) a'r prif ddeilliannau a gweithgareddau sy'n gysylltiedig a phob cyfnod. Gwella proses meddalwedd.

3. Rheoli Prosiect : 1 Darlith
Cynllunio ac amcangyfrif costau. Monitro cynnydd. Strwythur tim a rheoli tim.

4. Rheoli Ansawdd : 2 Ddarlith
Dilysu, gwirio a phrofi. Cynlluniau ansawdd. Archwilio rhaglen, archwilio cod a mathau eraill o adolygu. Rol y grwp sicrhau ansawdd. Safonau (rhyngwladol, cenedlaethol a lleol).

5. Rheoli Ffurfwedd : 2 Ddarlith
Llinellau sylfaen. Gweithdrefnau rheoli newid. Rheoli fersiwn. Offer meddalwedd i gefnogi rheoli ffurfwedd.

6. Peirianneg Gofynion a HCI : 2 Ddarlith
Safon IEEE ar gyfer manylion gofynion. Dilysu gofynion drwy brototeipio, er enghraifft. Diffygion yn yr agwedd draddodiadol tuag at fanylion. Cyflwyniad i achosion Defnydd UML. Cyflwyniad i HCI.

7. Dylunio : 2 Ddarlith
Dylunio (pensaerniol) bras a dylunio manwl. Defnydd o haniaethu, celu gwybodaeth, dadelfennu swyddogaethol a hierarchaidd ar lefelau uwch na'r rhaglen unigol. Cynnwys dogfennau dylunio. Diagramau gwladol. Nodiannau UML perthnasol: pecynnau, diagramau cyfres a gweithgaredd, gwrthrychau gweithredol.

8. Gweithredu a chynnal : 1 Darlith
Dewis iaith. Trostorri. Dulliau o gynnal a chadw. Ail-ffactora.

9. Profi : 2 Ddarlith
Strategaethau profi. Offer profi: dadansoddwyr statig a deinamig, harneisiau prawf a chynhyrchwyr data, efelychwyr. Profi perfformiad. Profi atchweliad. Dogfennaeth a hyfforddiant i'r defnyddiwr.

10. Materion moesegol: 2 Ddarlith

11. Dosbarthiadau Tiwtorial
Bydd dosbarth tiwtorial wythnosol yn gysylltiedig a'r cwrs hwn. Bydd y dosbarth tiwtorial yn cael ei ddefnyddio i drefnu gweithgareddau prosiect grwp a thrafod materion peirianneg meddalwedd.