Module Information

Mae ffilmiau poblogaidd fel Little Women a 1917, a chyfresi ar alw fel The Crown ar Netflix yn tystio nid yn unig i gyseinedd parhaus hanes fel pwnc poblogaidd gyda gwylwyr yn y sinema, o flaen y teledu neu ar-lein, ond i bwysigrwydd cyfryngau gweledol fel pwynt mynediad allweddol ar gyfer ein hadeiladwaith a’n dealltwriaeth o’r gorffenol. Mae’r modiwl hwn yn archwilio stori yr Unol Daleithiau, ac mae’n gwneud hynny mewn dwy ffordd. Yn gyntaf, mae’n dilyn y digwyddiadau a sifftiau mawr yn y stori honno o ddiwedd y Rhyfel Cartref yn 1865 i ethol Barack Obama yn 2008. Yn ail, mae’n archwilio sut mae’r newidiadau hynny wedi cael eu cyfleu mewn sinema ac ar y teledu i gynulleidfaoedd torfol dros y ganrif ddiwethaf. Y cwestiynau y mae’n eu hwynebu yw: beth fu effaith newid ar brofiad America? Sut mae’r newid hwnnw wedi’i ddehongli ar gyfer cynulleidfaoedd poblogaidd ar y sgrin? A sut mae ffilmiau a chyfresi teledu wedi gweithredu fel testunau hanesyddol? Mae’r cwrs yn cynnwys themâu rhyddid, democratiaeth, yr Arlywyddiaeth, cysyniad y Ffin a ffawd Americanwyr brodorol ym mhrofiad America trwy lens Adluniad, cau’r Gorllewin, y Rhyfel Oer, y brwydr dros Hawliau Sifil, Fietnam, Watergate, a’r chwyldroadau rhywiol a rhywedd o’r 1960au ymlaen