Module Information
Manylion y cyrsiau
| Math o Ddysgu | Manylion / Hyd Dysgu |
|---|---|
| Seminar | 6 x 1 Hour Seminars |
| Darlith | 20 x 1 Hour Lectures |
Dulliau Asesu
| Math o Assessiad | Manylion / Hyd Assessiad | Cyfran |
|---|---|---|
| Asesiad Semester | Traethawd 1 - 1 x traethawd 2,500 o eiriau | 50% |
| Asesiad Semester | Traethawd 2 - 1 x traethawd 2,500 o eiriau | 50% |
| Asesiad Ailsefyll | Traethawd 1-1 x traethawd atodol (ail-sefyll) 2,500 o eiriau | 50% |
| Asesiad Ailsefyll | Traethawd 2-1 x traethawd atodol (ail-sefyll) 2,500 o eiriau | 50% |
Canlyniadau Dysgu
Wedi cwblhau'r modiwl dylai'r myfyrwyr:
1. Disgrifio ac asesu bywydau a phrofiadau menywod yn ystod y cyfnod sydd dan sylw;
2. Dangos dealltwriaeth fanwl o’r newidiadau ym mherthynas y rhywiau ym Mhrydain fodern a’r gallu i ddadansoddi ac asesu’r rhesymau am y newidiadau hyn;
3. Lleoli profiadau cyfnewidiol menywod a pherthynasau rhwng y rhywiau yng nghefndir ehangach hanes cymdeithasol, economaidd a gwleidyddol Prydain.
4. Datblygu’r gallu i bwyso a mesur cryfderau a gwendidau dadleuon hanesyddol penodol ac i’w herio lle bo’n briodol.
Nod
Mae’r modiwl yn llenwi bwlch pwysig oddi fewn maes Hanes drwy’r Gymraeg yn Rhan Dau. Cyflwynir y myfyrwyr i rai o brif brofiadau menywod ym Mhrydain fodern ac ystyrir syniadau pwysig ynglŷn â chysylltiadau’r rhywiau.
Disgrifiad cryno
Mae’r cwrs yn arolygu hanes menywod a’r berthynas rhwng y rhywiau ym Mhrydain yn ystod y cyfnod modern. Mae’n ystyried profiadau amrywiol a chyfnewidiol menywod mewn gwahanol gyd-destunau cymdeithasol, economaidd a gwleidyddol, ac mae’n lleoli’r datblygiadau hyn yn hanes ehangach Ynysoedd Prydain. Ymhellach, mae’r cwrs yn archwilio’r diffiniadau rhyw cyfnewidiol a’u heffaith ar gysylltiadau’r rhywiau. Lleolir yr agweddau hyn o brofiadau menywod mewn fframwaith amseryddol sydd yn arolygu hanes menywod o ddechrau’r bedwaredd ganrif ar bymtheg hyd at ddechrau’r Ail Ryfel Byd.
Cynnwys
1. Rhagarweiniad
2. Menywod cyn y Bedwaredd Ganrif ar Bymtheg
3. ‘Sfferau ar wahân’
4. Menywod a’r Chwyldro Diwydiannol
5. Menywod a Gwneuthuriad y Dosbarth Gweithiol
6. Menywod, Priodas a’r Teulu
7. Menywod a Dyngarwch
8. Y Mudiad Ffeministaidd Cynnar
9. Rhywioldeb Fictorianaidd
10. Menywod, Hil a’r Ymerodraeth
11. ‘Y Fenyw Newydd’ yn ystod y 1890au
12. Yr Ymgyrch dros Bleidlais i Ferched I
13. Yr Ymgyrch dros Bleidlais i Ferched II
14. Menywod a’r Rhyfel Byd Cyntaf
15. Gwaith menywod yn ystod yr Ugeinfed Ganrif
16. Ffeministiaeth Rhwng y Rhyfeloedd
17. Menywod a’r Ail Ryfel Byd
18. Menywod a’r Wladwriaeth Les
Seminarau:
1. Y cysyniad o sfferau ar wahân
2. Menywod a Gwleidyddiaeth yn ystod hanner cyntaf y bedwaredd ganrif ar bymtheg
3. Puteindra
4. Menywod a phleidiau gwleidyddol, c.1880-1914
5. Yr Ymgyrch dros Bleidlais i Fenywod
6. Rhyfel a Newid Cymdeithasol yn ystod yr Ugeinfed Ganrif
Sgiliau Modiwl
| Math o Sgiliau | Manylion Sgiliau |
|---|---|
| Cyfathrebu | Trwy drafodaeth mewn seminar a throsglwyddo gwybodaeth mewn traethawd. |
| Datblygu personol a chynllunio gyrfa | Datblygu sgiliau trosglwyddadwy megis sgiliau rheoli amser, sgiliau cyfathrebu a sgiliau dadansoddi. |
| Datrys Problemau | Disgwylir i fyfyrwyr fedru trin a thrafod problemau hanesyddol ac ymgymryd ag ymchwil briodol wrth baratoi ar gyfer seminarau a gwaith ysgrifenedig |
| Gwaith Tim | Cymryd rhan mewn gweithgareddau seminar a deall sut i weithredu ar y cyd gydag aelodau eraill o’r grŵp |
| Gwella dysgu a pherfformiad ei hun | Datblygu sgiliau trefnu drwy reoli amser a chyflwyno gwaith yn brydlon. Gwneud defnydd o adborth ar waith a gyflwynir er mwyn gwella’r perfformiad. |
| Rhifedd | |
| Sgiliau pwnc penodol | Datblygu’r gallu i werthuso ffynonellau perthnasol i’r cyfnod a’r maes ynghyd â’r gallu i ymdrin yn feirniadaol â’r llenyddiaeth eilaidd. |
| Sgiliau ymchwil | Defnyddio amryw o gyfryngau gwahanol er mwyn ffurfio barn feirniadol. |
| Technoleg Gwybodaeth | Bydd defnydd o adnoddau arlein yn rhan hanfodol o ddulliau dysgu’r modiwl hwn a bydd felly’n rhoi cyfle i fyfyrwyr i ddatblygu eu sgiliau wrth, er enghraifft, gwneud defnydd o fyrddau trafod ar Blackboard. |
Nodau
Mae'r modiwl hwn yn cydymffurfio a FfCChC Lefel 6