Beth yw Rheoli Data Ymchwil?

Dyma ddiffiniad y Ganolfan Curadu Digidol (DCC) o Reoli Data Ymchwil: "Rheoli a gwerthuso data yn weithredol gydol cylch bywyd diddordeb ysgolheigaidd a gwyddonol"

Mae'n cynnwys:

• Cynllunio a disgrifio gwaith sy'n gysylltiedig â data cyn iddo ddigwydd
• Dogfennu eich data er mwyn i eraill allu dod o hyd iddo a'i ddeall
• Ei storio'n ddiogel yn ystod y prosiect
• Ei adneuo mewn archif ddibynadwy ar ddiwedd y prosiect
• Cysylltu cyhoeddiadau â'r setiau data sy'n sail iddynt

 

Mae Martin Donnelly o'r Ganolfan Curadu Digidol yn cyflwyno rhagarweiniad a chrynodeb o'r polisïau/disgwyliadau o rheoli data ymchwil (yn Saesneg yn unig)

Beth yw data ymchwil?

Gall data ymchwil neu ‘wrthrychau ymchwil’ gynnwys unrhyw ddeunydd ategol sy’n sail i gynnyrch (ysgrifenedig) ymchwil, neu sy’n ei gyfoethogi fel arall. Gall data neu wrthrychau ymchwil fod ar ffurf copi caled (analog) a digidol, a gallant gynnwys data meintiol ac ansoddol. Mae enghreifftiau o wahanol fathau o’r rhain yn cynnwys, ymhlith eraill:

• Mesuriadau ag offer
• Arsylwadau arbrofol
• Dogfennau testun, taenlenni a chronfeydd data
• Cod meddalwedd
• Delweddau llonydd, fideo a sain
• Gweithlifau a methodolegau
• Sleidiau, logiau, llyfrau labordy, llyfrau braslunio, llyfrau nodiadau, ac ati.