Cefnogi eich dysgu
Mae’r wybodaeth hon ar gael hefyd yn y modiwl Cefnogi eich Dysgu ar Blackboard (o dan Fy Nghyfundrefnau).
Er mwyn gwneud yn siŵr eich bod chi’n barod am y dysgu eleni, rydym ni wedi crynhoi gwybodaeth hanfodol sy'n rhoi sylw i'r gwahanol agweddau ar eich profiad fel myfyriwr.
P'un a ydych chi'n fyfyriwr newydd, neu'n dychwelyd i'r Brifysgol, mae'n bwysig eich bod yn rhoi'r amser i ddarllen yr adnodd cyfan - er y bydd rhywfaint o'r wybodaeth yn gyfarwydd i chi, mae'n debyg y bydd llawer o wybodaeth newydd ynglŷn â chymorth, adnoddau a dysgu.
I'ch helpu i gadw golwg ar yr holl wybodaeth dan sylw, lawrlwythwch y Rhestr Wirio Cefnogi eich Dysgu.
Dysgu ac Addysgu
Rheoli eich calendr
- Ewch eich calendr ar-lein trwy outlook.aber.ac.uk (gweler fideo)
- Cliciwch ar eicon y calendr i weld eich sesiynau addysgu wyneb-yn-wyneb ac i ychwanegu eich apwyntiadau eich hun (https://faqs.aber.ac.uk/index.php?id=434)
- Defnyddiwch eich calendr i reoli eich amser yn effeithiol
- Gwyliwch y fideo ‘Adnabod eich Gradd’ i ddysgu am y math o waith y disgwylir i chi ei wneud
- Unrhyw broblemau wrth ddefnyddio’r calendr? Cysylltwch â gg@aber.ac.uk
Dyma ambell awgrym ar gyfer paratoi yn ystod yr wythnos.
Paratoi ar gyfer sesiynau wyneb-yn-wyneb
- Bydd sesiynau wyneb-yn-wyneb yn cael eu hamserlennu yn ystod yr wythnos
- Edrychwch ar eich calendr Outlook i weld pryd mae’r dosbarthiadau a ble i fynd
- Ewch â’ch CerdynAber gyda chi; peidiwch â rhoi benthyg eich cerdyn i neb na defnyddio cerdyn rhywun arall.
- Mewngofnodwch i Blackboard er mwyn cael hyd i’r gwaith paratoi ar gyfer y dosbarth. Gall fod yn waith darllen, gwylio recordiadau darlithoedd etc
- Dilynwch y cyfarwyddiadau ar gyfer mynychu’r dosbarth
- Peidiwch â gadael y gwaith paratoi tan yr unfed awr ar ddeg
- Unrhyw broblemau? Cysylltwch â’ch darlithydd
Cymryd rhan mewn sesiynau Teams
- Byddwch yn defnyddio Teams ar gyfer addysgu a chyfarfodydd ar lein (gweler Cymryd Rhan Mewn Darlithoedd Seminarau A Sesiynau Tiwtorial Ar Teams)
- Er mwyn defnyddio Teams, bydd angen y canlynol arnoch:
- Cyfrifiadur neu ddyfais symudol sydd wedi’i gysylltu â’r rhyngrwyd
- Meicroffon a seinyddion, neu glustffonau. Rydym yn awgrymu clustffonau gan eu bod yn torri lawr ar sŵn yn y cefndir.
- Gwe-gamera. Mae’r rhain yn aml wedi’u gosod ar liniadur neu ddyfais symudol. Os gallwch ddefnyddio gwe-gamera, bydd yn helpu eich darlithydd a’r myfyrwyr eraill, i’ch gweld chi
- Gosod Teams ar eich cyfrifiadur. Gallwch wneud hyn yn rhad ac am ddim trwy ddilyn y cyfarwyddiadau yn Teams https://faqs.aber.ac.uk/index.php?id=2899
- Gwnewch alwad brawf i wirio bod pob dim yn gweithio
- Gwyliwch ein fideo ar ymuno â chyfarfod Teams
- Unrhyw broblemau gyda Teams? Cysylltwch â gg@aber.ac.uk
Canllawiau i Fyfyrwyr ar Gyfarfodydd Ar-lein
Er y gallai eich sesiwn fod yn digwydd ar-lein, dylid trin y sesiwn yr un fath â sesiwn ddysgu wyneb yn wyneb.
- Gwnewch yn siŵr eich bod yn ymuno â'r cyfarfod gyda'ch enw defnyddiwr a'ch cyfrinair PA. Os ydych chi'n defnyddio Teams, y ffordd hawsaf o wneud hyn yw mewngofnodi i outlook.aber.ac.uk cyn dilyn y ddolen gyswllt i'r cyfarfod.
- Cyrhaeddwch i'ch cyfarfod ar amser
- Gwisgwch fel y byddech chi'n gwisgo ar gyfer seminar wyneb yn wyneb
- Defnyddiwch gefndir i’ch fideo os nad ydych am i’r lleill weld eich ystafell (https://faqs.aber.ac.uk/2952)
- Os nad oes modd i chi ddefnyddio gwe-gamera, ychwanegwch lun proffil priodol yn Teams. Bydd hyn yn helpu eich cyd-fyfyrwyr a'ch athrawon wybod pwy ydych chi pan fo'r camera wedi ei ddiffodd.
- Os ydych chi'n defnyddio enw gwahanol i'r enw ar gofnod y brifysgol, gallwch ddewis defnyddio'r enw hwnnw. Bydd hyn wedyn yn ymddangos wrth i chi fewngofnodi i Teams (https://faqs.aber.ac.uk/2831)
- Gwnewch yn siŵr eich bod chi wedi gwneud unrhyw waith paratoi y gofynnwyd i chi ei wneud, a bod yr holl ddeunyddiau angenrheidiol ar gael
- Distewch eich meicroffon oni bai eich bod yn siarad
- Triniwch bawb ag urddas a pharch – gwrandewch ar eich gilydd a pheidiwch â thorri ar draws unrhyw un; peidiwch â thynnu sgrinluniau na recordio eraill heb eu caniatâd.
- Arhoswch yn y sesiwn ddysgu fyw – gall fod yn demtasiwn i agor porwyr ac edrych ar bethau eraill, ond canolbwyntiwch ar y sesiwn fyw
- Cliciwch Codi Llaw/ Raise your Hand i roi gwybod i eraill eich bod eisiau siarad; bydd eich darlithydd yn helpu i gymedroli hyn (https://faqs.aber.ac.uk/3005)
- Dim ond os bydd eich darlithydd yn gofyn i chi rannu eich sgrin / delweddau ac ati y dylid gwneud hynny
- Defnyddiwch y blwch Sgwrsio/Chat yn ôl cyngor eich darlithydd gan aros ar y pwnc. Cofiwch fod unrhyw beth a rannwch yn y blwch Sgwrsio yn weladwy ar ôl y cyfarfod; nid dyma'r lle i rannu gwybodaeth bersonol (https://faqs.aber.ac.uk/3006)
- Os ydych chi’n cael unrhyw broblemau gyda’ch sain yn cael ei glywed, gallwch roi cynnig ar ddiffodd eich gwe-gamera.
- Os cewch broblemau gyda'r lled band sy'n dod i mewn, gallwch ddiffodd y fideo sy'n dod i mewn, sy'n gadael i chi weld cyflwyniad ond nid gwe-gamerâu pobl eraill
Gwylio Recordiadau o Ddarlithoedd
- Neilltuwch amser i wylio eich recordiadau a chymryd nodiadau
- Bydd yr holl recordiadau ar safle Blackboard eich modiwl – edrychwch yn y Deunyddiau Dysgu.
- Cliciwch ar y ddolen sy’n cysylltu â’r recordiad i’w agor
- Unrhyw broblemau wrth ddefnyddio Panopto? Cysylltwch ag eddysgu@aber.ac.uk
Defnyddio Blackboard
- Edrychwch ar y canllaw myfyrwyr i ddefnyddio Blackboard
- Unrhyw broblemau wrth ddefnyddio Blackboard? Cysylltwch ag eddysgu@aber.ac.uk
Aseiniadau
Paratoi ar gyfer Aseiniadau
- Ychwanegwch ddyddiadau cyflwyno eich aseiniadau at eich calendr – gallwch ddod o hyd i’r rhain ar Blackboard trwy’r ddolen Aseiniad ac Adborth
- Edrychwch ar ein hadnoddau am ysgrifennu traethodau ac aseiniadau ar SgiliauAber
- Arferion Academaidd Da
- Dysgwch sut i gyfeirio’n gywir at y ffynonellau gwybodaeth a ddefnyddiwch yn eich aseiniadau trwy ddarllen y canllaw ar Ymwybyddiaeth ynglŷn â Chyfeirnodi a Llên-ladrad, a chymryd y cwis: https://libguides.aber.ac.uk/chyfeirnodi (mewngofnodwch i Blackboard i gymryd y cwis)
- Fideo ar adnoddau sgiliau ysgrifennu, cyrsiau sydd ar gael
Cyflwyno eich Aseiniadau
- Gwyliwch ein fideos ynglŷn â chyflwyno eich aseiniadau
- Problemau cyflwyno? Cysylltwch ag eddysgu@aber.ac.uk
Defnyddio Llynfrgelloedd ac Adnoddau Llyfrgell
Dod o hyd i adnoddau yn eich maes pwnc: rhestrau darllen a chanfod lleoliad llyfrau
- Ceir gwybodaeth ar gyfer gweld eich rhestrau darllen a dod o hyd i lyfrau ac e-lyfrau yma: https://libguides.aber.ac.uk/rhagarweiniad/darganfod
- Ceir gwybodaeth am adnoddau i’ch cynorthwyo wrth i chi astudio eich pwnc yma: https://libguides.aber.ac.uk/pwnc
- I gael cyngor neu gefnogaeth, cysylltwch â’ch llyfrgellydd pwnc trwy e-bost, ffôn, neu MS Teams. Trefnwch apwyntiad MS Teams gyda’ch llyfrgellydd trwy https://libcal.aber.ac.uk
Cael llyfrau print o lyfrgelloedd y Brifysgol
- Os yw’r llyfrau y dymunwch eu darllen yn ein llyfrgelloedd, defnyddiwch y Gwasanaeth< Clicio a Chasglu/a> i’w harchebu.
- Ceir fideo yn dangos sut i archebu llyfr yma: https://aberystwyth.cloud.panopto.eu/Panopto/Pages/Viewer.aspx?id=03afc0fa-ea80-42e3-b842-abfb00ad8fc8&start=43.103015
- Byddwch yn derbyn e-bost pan fydd eich llyfr yn barod yn rhoi gwybodaeth ynglŷn â threfnu amser penodol ar gyfer casglu eich llyfr.
- Byddwch yn derbyn gwahoddiad calendr a fydd yn mynd yn syth i’ch calendr.
- Cofiwch ddod â’ch Cerdyn Aber gyda chi er mwyn dod i mewn i’r llyfrgell ar yr adeg a drefnwyd. Peidiwch â rhoi benthyg eich cerdyn i neb na defnyddio cerdyn rhywun arall.
- Os cewch broblemau wrth ddefnyddio’r Gwasanaeth Clicio a Chasglu, cysylltwch â Gwasanaethau Gwybodaeth
Archebu a defnyddio mannau astudio yn y llyfrgell
- Bydd ardaloedd astudio personol a thawel ar gael yn y llyfrgell a rhaid eu harchebu ymlaen llaw.
- I gael rhagor o wybodaeth am y gwasanaeth archebu sydd ar y gweill a defnyddio ardaloedd astudio ac oriau agor y llyfrgelloedd, gweler tudalennau gwe’r Gwasanaethau Llyfrgell https://www.aber.ac.uk/cy/is/library-services/
- Cofiwch ddod â’ch Cerdyn Aber gyda chi er mwyn dod i mewn i’r llyfrgell ar yr adeg a drefnwyd. Peidiwch â benthyca eich cerdyn i neb na defnyddio cerdyn rhywun arall.
- Os cewch broblemau wrth archebu mannau astudio’r llyfrgell, cysylltwch â Gwasanaethau Gwybodaeth
Edrych ar ôl eich hun
Cymorth Llesiant
- Gallwch gael cefnogaeth ar gyfer eich lles a’ch iechyd meddwl ar-lein, yn ddienw ac yn rhad ac am ddim, trwy Togetherall
- Mae’r fideo byr hwn yn egluro’r hyn sydd gan Togetherall i’w gynnig: https://togetherall.com/en-gb/
- Mae cymorth arall hefyd ar gael
- Unrhyw gwestiwn? Cysylltwch â’r Gwasanaethau Cymorth i Fyfyrwyr a Gyrfaoedd: student-support@aber.ac.uk
Cymorth gan Gymheiriaid
- Mae Cynorthwywyr Adrannol wrth law ym mhob adran academaidd i gynnig cymorth anffurfiol, gwybodaeth, cyngor ac arweiniad i fyfyrwyr newydd y flwyddyn gyntaf.
- Bydd eich adran yn cysylltu â chi i roi gwybod sut i gysylltu â’ch Cynorthwyydd Adrannol.
- Gallwch hefyd wneud cais am Fentor ‘Ffordd Hyn’ a fydd yn gallu cynnig cefnogaeth fwy strwythuredig i fyfyrwyr newydd ar bob agwedd ar fywyd y Brifysgol, yn cynnwys cynllunio academaidd, rheoli amser, trefnu, a chymhelliant.
Cymryd Seibiant
- Mae’n bwysig eich bod yn cymryd seibiant yn ystod y diwrnod a’r wythnos.
- Os byddwch yn ymweld â’n caffis neu gyfleusterau chwaraeon, cofiwch eich CerdynAber. Peidiwch â rhoi benthyg eich cerdyn i neb na defnyddio cerdyn rhywun arall.