Module Information
Cod y Modiwl
GW12920
Teitl y Modiwl
Gwleidyddiaeth yn yr Unfed Ganrif ar Hugain
Blwyddyn Academaidd
2024/2025
Cyd-gysylltydd y Modiwl
Semester
Semester 2
Rhestr Ddarllen
Staff Eraill sy'n Cyfrannu
Manylion y cyrsiau
Dulliau Asesu
| Math o Assessiad | Manylion / Hyd Assessiad | Cyfran |
|---|---|---|
| Asesiad Ailsefyll | 1 x 1,500 o eiriau Traethawd | 50% |
| Asesiad Ailsefyll | 1 x 1,200 o eiriau Traethawd | 40% |
| Asesiad Ailsefyll | 1 x 500 o eiriau Adolygiad yn lle perfformiad seminar | 10% |
| Asesiad Semester | 1 x 1,500 o eiriau Traethawd | 50% |
| Asesiad Semester | 1 x 1,200 o eiriau Traethawd | 40% |
| Asesiad Semester | Perfformiad seminar | 10% |
Canlyniadau Dysgu
Wedi cwblhau'r modiwl dylai'r myfyrwyr fedru:
1. Dangos gwybodaeth o nodweddion canolog bywyd gwleidyddol ar draws ystod y wladwriaethau gwahanol yn fyd-eang.
2. Dangos ymwybyddiaeth o’r gwahanol fathau o strwythurau a sustemau gwleidyddol sy’n weithredol mewn gwladwriaethau gwahanol.
3. Medru dangos ymwybyddiaeth o’r prif ddulliau ar gyfer astudio cynrychiolaeth a chyfranogiad gwleidyddol.
4. Dadansoddi’n feirniadol y materion pwysig sy’n wynebu gwleidyddiaeth gyfoes ar ddechrau’r unfed ganrif ar hugain.
5. Rhoi’r sgiliau canlynol ar waith yn effeithiol: adnabod a lleoli ffynonellau addas; astudio annibynnol: ysgrifennu (ar gyfer traethodau ac arholiadau).
Disgrifiad cryno
Bydd y modiwl hwn yn mabwysiadu persbectif cymharol er mwyn dadansoddi a deall gwleidyddiaeth yn yr unfed ganrif ar hugain. Bydd yn rhoi sylw i nodweddion allweddol sustemau gwleidyddol ac yn trafod syniadau a phynciau gwleidyddol pwysig. Bydd trafodaethau damcaniaethol a chysyniadol yn cael eu cyfuno gyda enghreifftiau o achosion penodol er mwyn darparu’r myfyrwyr â’r offerynnau dadansoddol a’r wybodaeth empeiraidd a fydd yn eu caniatáu i ddeall gwleidyddiaeth gyfoes.
Cynnwys
• Mathau o sustemau gwleidyddol
• Cyfansoddiadau a sefydliadau gwleidyddol
• Etholiadau, pleidiau a sustemau pleidiol
• Cyfranogiad a chynrychiolaeth
• Gwleidyddiaeth hunaniaeth
• Pynciau gwleidyddol cyfoes
• Cyfansoddiadau a sefydliadau gwleidyddol
• Etholiadau, pleidiau a sustemau pleidiol
• Cyfranogiad a chynrychiolaeth
• Gwleidyddiaeth hunaniaeth
• Pynciau gwleidyddol cyfoes
Sgiliau Modiwl
| Math o Sgiliau | Manylion Sgiliau |
|---|---|
| Cyfathrebu | Bydd y myfyrwyr yn dysgu sut i gyflwyno’u syniadau ar lafar ac yn ysgrifenedig, a sut i gyflwyno’u dadleuon yn y ffordd fwyaf effeithiol. Byddant yn deall pwysigrwydd gwybodaeth a chyfathrebu clir a sut i ddefnyddio’r rhain. Byddant yn gwybod sut i ddefnyddio’r amryw ffynonellau gwybodaeth sydd ar gael a sut i ddefnyddio dulliau cyfathrebu priodol yn y ffordd orau. Byddant yn dysgu sut i ysgrifennu a siarad yn glir a dweud yn ddiamwys beth yw eu nodau a’u hamcanion. Byddant yn dysgu ystyried dim ond yr hyn sy’n berthnasol i bwnc trafod, byrdwn ac amcanion eu dadl neu drafodaeth. Cynhelir y seminarau mewn grwpiau lle dysgir yn bennaf drwy drafod ar lafar a chyflwyniadau, a bydd y pwyslais drwy gydol y modiwl ar gyfranogi a chyfathrebu. Hwylusir hyn drwy chwarae rôl mewn grwpiau lle bydd timau’n cymryd rhan yn y seminar a thu hwnt i hynny. |
| Datblygu personol a chynllunio gyrfa | Bydd y trafodaethau’n arbennig yn helpu i ddatblygu sgiliau llafar a sgiliau cyflwyno’r myfyrwyr ynghyd â’u sgiliau gwaith tîm. Bydd dysgu am broses cynllunio traethawd, pennu ffiniau prosiectau, mireinio a datblygu prosiectau a chwblhau’r gwaith yn cyfrannu at bortffolio’r myfyrwyr o sgiliau trosglwyddadwy. Yn benodol, mae ysgrifennu adroddiadau’n sgil trosglwyddadwy hanfodol sy’n cyfrannu at eu proffil cyflogadwyedd. |
| Datrys Problemau | Bydd gwaith prosiect annibynnol a datrys problemau’n un o nodau canolog y modiwl; bydd y myfyrwyr yn cyflwyno traethawd, a thrwy hynny’n datblygu sgiliau ymchwil annibynnol yn ogystal â sgiliau datrys problemau. Drwy wneud gwaith ymchwil a pharatoi ar gyfer cyflwyniadau seminar bydd y myfyrwyr hefyd yn datblygu sgiliau prosiect annibynnol. Caiff gallu’r myfyrwyr i ddatrys problemau ei ddatblygu a’i asesu drwy ofyn iddynt: fabwysiadu safbwyntiau gwahanol; trefnu data a bwrw amcan ynglŷn ag ateb i’r broblem; ystyried achosion eithriadol; rhesymu; llunio modelau damcaniaethol; ystyried achosion tebyg; chwilio am batrymau; rhannu materion yn broblemau llai. |
| Gwaith Tim | Yn rhan o’r seminarau, bydd y myfyrwyr yn gwneud gwaith mewn grwpiau bach a gweithgareddau chwarae rôl lle bydd gofyn i’r myfyrwyr baratoi, cyflwyno a thrafod fel grŵp y materion craidd sy’n ymwneud â phwnc trafod y seminar dan sylw. Mae’r trafodaethau dosbarth hyn yn rhan hanfodol o brofiad dysgu’r modiwl. |
| Gwella dysgu a pherfformiad ei hun | Mae’r modiwl yn ceisio hybu hunanreolaeth ond mewn cyd-destun lle mae cefnogaeth a chymorth ar gael gan y cydlynydd a chyd-fyfyrwyr fel ei gilydd. Disgwylir i’r myfyrwyr wella’u dysgu a’u perfformiad eu hunain drwy wneud eu gwaith ymchwil eu hunain a gweithio ar eu liwt eu hunain, gan gynnwys chwilio am ffynonellau, llunio rhestrau darllen, a phenderfynu (dan gyfarwyddyd) ar gyfeiriad pynciau eu hadroddiadau a’u traethodau. Mae gwaith grŵp yn rhan annatod o’r seminarau ac yn gyfle i’r myfyrwyr i adfyfyrio ar eu pen eu hunain a chyda’i gilydd ar eu perfformiad. Bydd yr angen i gyfrannu i drafodaethau grŵp yn y seminarau a chwblhau asesiadau erbyn y dyddiad cau yn hoelio sylw’r myfyrwyr ar yr angen i reoli eu hamser a’u hadnoddau’n dda. |
| Rhifedd | Amherthnasol |
| Sgiliau pwnc penodol | Mae cyfle i’r myfyrwyr i ddatblygu, ymarfer a phrofi amryw helaeth o sgiliau pwnc-benodol sydd o gymorth iddynt i ddeall, cysyniadoli a chloriannu enghreifftiau a syniadau yn ystod y modiwl. Ymhlith y sgiliau pwnc-benodol hyn mae: • Casglu a deall ystod eang o ddata sy’n gysylltiedig â’r modiwl • Gallu i bwyso a mesur safbwyntiau cyferbyniol • Dangos technegau ymchwil pwnc-benodol Cymhwyso amryw o fethodolegau i broblemau hanesyddol a gwleidyddol cymhleth. |
| Sgiliau ymchwil | Bydd yn rhaid i’r myfyrwyr wneud gwaith ymchwil annibynnol er mwyn cwblhau’r gwaith a asesir. Bydd hyn yn golygu defnyddio amryw o ffynonellau gwybodaeth, gan gynnwys testunau academaidd craidd, erthyglau mewn cyfnodolion ac ati. |
| Technoleg Gwybodaeth | Disgwylir i’r myfyrwyr gyflwyno’u gwaith wedi’i baratoi ar brosesydd geiriau. Hefyd, anogir y myfyrwyr i chwilio am ffynonellau gwybodaeth ar y we, yn ogystal â chwilio am wybodaeth o ffynonellau electronig (megis Lexus-Nexus, Primo, Google Scholar ac ati). Disgwylir hefyd i’r myfyrwyr ddefnyddio’r adnoddau a fydd ar gael ar AberLearn Blackboard |
Nodau
Mae'r modiwl hwn yn cydymffurfio a FfCChC Lefel 4