Newyddion a Digwyddiadau

Am y diweddaraf am ein systemau a'n gwasanaethau, ewch i Statws Gwasanaethau GG

SgiliauAber

28/01/2025

Mae ein rhaglen o weithdai sgiliau yn cychwyn o ddifri wythnos nesa. Mae sesiynau ar sgiliau ysgrifennu academaidd, sut i chwilio am wybodaeth a’i werthuso, a sgiliau cyflogadwyedd yn rhedeg drwy’r tymor. Gweler gwefan SgiliauAber am fwy o wybodaeth ac i archebu eich lle.

Eich adborth Arolwg Defnyddwyr GG 2024

23/01/2025

Dyma ni! Rydym wedi pwyso a mesur y data a gallwn gyhoeddi crynodeb o'ch adborth yn ystod Arolwg Defnyddwyr GG 2024 a'n camau gweithredu ar gyfer y flwyddyn sydd i ddod.

Diolch yn fawr i bawb gymerodd amser i rannu barn. Fydden ni ddim wedi gallu gwneud heboch chi!

Sesiynau Uned Datblygu Dysgu ac Addysgu 28/01/2025 - 17/02/2025

27/01/2025

Ionawr

28/01 ARCHE Applicant Training (Wyneb yn wyneb)

Chwefror

11/02 E-learning Enhanced: Introduction to Discussions (Ar lein)

17/02 E-learning Enhanced: Introduction to Blackboard Tests (Ar lein)

Amserau/archebu

Oriau agor Llyfrgell Hugh Owen

20/01/2025

O ddydd Sul 26 Ionawr, mae Lefel D, Llyfrgell Hugh Owen yn aros ar agor 24/7 ac mae Lefelau E ac F ar agor rhwng 08:30 a 22:00 tan ddiwedd y tymor.

Bydd staff yn bresennol ar Ddesg Ymholiadau'r GG rhwng 08:30 a 22:00 7 diwrnod yr wythnos yn ystod y tymor.

Mae oriau agor llawn y llyfrgell ar gael yn: https://www.aber.ac.uk/cy/is/about/opening-hours/

Swn yn y llyfrgell - gweithdy syniadau

20/01/2025

Yn galw myfyrwyr gyda syniadau!

Ydych chi wedi syrffedu ar swn yn torri ar eich traws yn y llyfrgell? Neu a ydych chi'n ffeindio bod swn cefndirol yn eich helpu i ganolbwyntio?

Mae swn yn bwnc llosg mewn llyfrgelloedd wrth inni geisio dod o hyd i gydbwysedd rhwng darparu mannau astudio tawel, mannau cydweithredol, a mannau cymdeithasol i fodloni gwahanol fathau o anghenion defnyddwyr.

Felly, mae arnom EICH angen CHI i gymryd rhan yn ein gweithdy syniadau

Swn yn y Llyfrgell

Dyddiad: 5ed Chwefror

Amser: 11.30 – 12.30

Lleoliad: E3, Llyfrgell Hugh Owen

Pam y dylech chi fod yn bresennol:

  • Helpwch ni i sicrhau bod ein mannau astudio yn gweithio i chi
  • Ennill £5 credyd CerdynAber, dim ond am gael barn!
  • Cyfle i wneud gwahaniaeth cadarnhaol
  • Byddwch yn greadigol, gweithio gyda myfyrwyr eraill a datblygu eich sgiliau datrys problemau

Yn y gweithdy anffurfiol hwn byddwn yn darganfod sut rydych chi'n teimlo am lefelau y swn yn ein llyfrgelloedd, byddwn yn taflu syniadau am strategaethau creadigol a dylunio atebion ymarferol i ddatrys unrhyw faterion sy'n codi. 

Cofrestrwch yn awr: https://forms.office.com/r/Bj4e3GUFke

Mathau newydd o Adnoddau yn Rhestrau Darllen Aspire

22/01/2025

Nawr gallwch ddewis y Mathau o Adnoddau canlynol ar gyfer eitemau newydd mewn rhestrau darllen Aspire

  • Cronfa ddata
  • ?Adroddiad
  • Papur newydd
  • Gwrthrych

neu ddiwygio eitemau presennol lle mae'r rhain yn ffitio'n well na'r Math o Adnoddau presennol.

Dewiswch hwy o'r ddewislen Math o Adnoddau fel y bo'n briodol wrth ychwanegu cynnwys o dudalennau gwe gan ddefnyddio estyniad eich porwr neu wrth ychwanegu / golygu cynnwys â llaw.

Os oes gennych unrhyw gwestiynau, cysylltwch â’r tîm Ymgysylltu Academaidd: llyfrgellwyr@aber.ac.uk  

Darganfod Beth sy'n Newydd: Eich Cylchlythyr Llyfrgell PA Misol

07/01/2025

Gan gyflwyno eich cylchlythyr llyfrgell misol newydd sbon - yn llawn newyddion, erthyglau ac adnoddau cyffrous.

Beth sydd ynddo i chi:

Y newyddion a digwyddiadau llyfrgell diweddaraf
Llyfrau a argymhellir gan eich Llyfrgellwyr
Cymorth a chyngor ar sgiliau
Erthyglau ac adnoddau wedi'u curadu

Pam tanysgrifio?

  • Cael gwybodaeth ddefnyddiol wedi'i danfon yn syth i'ch mewnflwch

  • Dysgu am adnoddau a chyfleoedd llyfrgell amhrisiadwy

  • Cyflym, hawdd, ac wrth gwrs yn hollol AM DDIM!

Sut i gofrestru

Mae'n syml!

  1. Cliciwch ar y ddolen gofrestru: https://forms.office.com/e/CiUbmR6jtV
  2. Dewiswch eich iaith dewisol
  3. Rhowch eich manylion
  4. Pwyswch nesaf - Rydych chi wedi tanysgrifio!
  5. Gallwch reoli eich tanysgrifiad ar-lein

Peidiwch â cholli allan! Mae eich mewnflwch ar fin dod yn llawer mwy diddorol.

Helpwch i wneud y Llyfrgell yn lle da i weithio ynddo drwy glirio eich sbwriel

17/01/2025

Mae mannau astudio’r llyfrgell yn fannau a rennir, ystyriwch eich cyd-fyfyrwyr (a glanhawyr gwych y llyfrgell). Tacluswch ar ôl eich hun, defnyddiwch y biniau ailgylchu a pheidiwch â gadael eich sbwriel ar y byrddau. Peidiwch â dod â bwyd poeth i mewn i’r llyfrgell a’i fwyta Helpwch i sicrhau bod y llyfrgell yn lle pleserus i weithio ynddo

Microsoft Office

15/01/2025

Gall staff a myfyrwyr lawrlwytho Microsoft Office yn rhad ac am ddim ar hyd at 15 dyfais.

Mae’n cynnwys y rhaglenni:

  • Word
  • Excel
  • PowerPoint
  • Outlook
  • OneNote
  • Teams
  • Publisher
  • Access
  • Skype

Mae canllaw cam wrth gam ar gyfer lawrlwytho MS Office ar eich dyfais ar gael yma: https://faqs.aber.ac.uk/cy/1391 

Cymorth gydag arholiadau ac asesiadau

08/01/2025

Dewch i Lefel E Llyfrgell Hugh Owen i gael golwg ar ein harddangosfa Paratoi ar gyfer Arholiadau.

 Yma mi welwch atebion i Gwestiynau Cyffredin arholiadau, awgrymiadau gwych ar baratoi ar gyfer arholiadau gan eich cyd-fyfyrwyr, llyfrau ar sgiliau astudio effeithiol a thechnegau adolygu yn ogystal â thudalennau lliwio (a phensiliau) a thaflenni pos i'w cwblhau pan fyddwch chi am gymryd seibiant bach haeddiannol o'ch adolygu. 

Mae gennym adnoddau Adolygu ac Arholiadau cynhwysfawr ar Sgiliau Aber, gan gynnwys dolenni i feddalwedd a allai eich helpu i wneud mapiau meddwl a chynlluniau astudio, ffeithluniau i'ch helpu i ddeall eich cwestiynau asesu a dolenni at gymorth pellach. 

Pob lwc a gofalwch amdanoch chi'ch hunain

Gwasanaethau Gwybodaeth: Canllawiau DA i chi

13/01/2025

Mae gan y Gwasanaethau Gwybodaeth dudalen gymorth a gwybodaeth newydd ar gyfer Deallusrwydd Artiffisial: https://www.aber.ac.uk/cy/is/help/ai/

Mae'r dudalen hon yn dwyn ynghyd bolisïau a chyngor ar ddiogelwch yn ogystal â chanllawiau ar gyfer defnyddio DA yn eich astudiaethau, eich addysgu, eich ymchwil a'ch gwaith gweinyddol. 

Cadwch y Dyddiad: Cynhadledd Flynyddol Dysgu ac Addysgu

16/01/2025

Mae’n bleser gan yr Uned Gwella Dysgu ac Addysgu gyhoeddi dyddiad yr 13eg Gynhadledd Flynyddol Dysgu ac Addysgu. Cynhelir y gynhadledd o ddydd Mawrth 8 Gorffennaf hyd ddydd Iau 10 Gorffennaf 2025.

Cadwch lygad am Alwadau am Gynigion a chyhoeddi thema’r gynhadledd. Yn ôl ein harfer, byddwn yn diweddaru ein tudalennau gwe ynghylch y Gynhadledd Dysgu ac Addysgu yn ogystal â’n blog er mwyn rhoi’r wybodaeth ddiweddaraf ichi ynghylch sut mae pethau’n datblygu.

Beth sy'n Newydd yn Blackboard Ionawr 2025

10/01/2025

Mae Diweddariad Blackboard mis Ionawr yn cynnwys gwelliannau i'r Cynorthwyydd Dylunio DA trwy ychwanegu mwy o ieithoedd a gwella'r nodweddion Awto-gynhyrchu. Yn ogystal, mae opsiynau newydd ar gyfer Creu Dogfennau ac Amodau Rhyddhau. Am fanylion pellach, gwelwch ein blog: Beth sy’n Newydd yn Blackboard Ionawr 2025